PM Vanuatu Kontente hasoru PR

PM Vanuatu Kontente hasoru PR

- in Nasional
22
0
logoqstll

DILI– Premeiru Ministru Vanuatu Hon Charlot Salwi kontente tebes bele hasoru malu ho Prezidente Republika Francisco Guterres Lu Olo hodi hatoo mensajen Prezidente Vanuatu nia ba iha Xefi Estadu Timor relasiona ho loron referedum Timor nia.

Premeiru Ministru Vanuatu dehan sira mai iha Timor leste tamba hetan konvite husi Timor leste atu partisipa Loron Konsulta popular tinan 20 referedum nia.

“Ami hetan konvite hodi atende ba konsulta popular referendum ba Timor leste no ami kontente atu bele mai iha nee tanba bele hetan oportunidade hodi hasoru ho Prezidente Timor” katak” katak Premeiru Ministru Vanuatu Hon Charlot Salwi ba joralista iha palacio prezidesial bairo pite sesta (30/08/2019).

Iha biban nee nia mos hatoo mensajen ba Prezidente governu  no Povu TL ba aniversariu konsulta popular nee Sira mos espera Prezidente governu no povu Timor bele moris iha prosperidade no mos iha progressu no susesu iha fururu, Vanuatu hakarak suporta Timor Leste iha espresaun politika.

Iha tempu neebe mak hanesan Reprezentante Prezidente Joko Widodo neebe reprezenta husi Ministru Obras Publiku Da Indonesia Basuki Hadimuljono hatutan nia mai hanesan delegasaun husi Prezidente Jokowi.

“Hau hanesan delegasaun husi Prezidente Jokowi para bele atende ba konvite konsulta popular prezidente Jokowi fo nia komprimenta ba Prezidente Timor no povu tomak hodi selebra loron historiku nee” katak nia

Komitmentu Jokowi nian neebe hatoo desde Prezidente timor Leste nia vizita ba Indonezia iha tempu hirak liu ba nafatin sai hanesan fondasi ba relasaun koperasaun entre nasaun rua nee mak hanesan reforsa liu tan koperasaun iha desenvolvimentu infrastutura no fo apoiu ou asistensia ba desenvolvimentu rekursu humanu iha TL liu husi Capacity Building neebe desde 2011 halo ona prosesu hirak nee no sei kontinua nafatin

Prezidente Republika Francisco guterres lu Olo mos fo hanoin nafatin katak nasaun rua nee viziñu no komitmentu ba koperasaun sei kaer nafatin

Xefi estadu dehan nia mos komprende ho situasaun servisu Prezidente Jokowi nian hodi la mai partisipa iha nee.

Tuir observasaun neebe mak STL hetan wainhira remata ho reprezentante Prezidente joko widodo, Prezidente Republika Lu Olo kontinua enkontru Ministru Defeza Nasional De Portugal Joao Gomes Cravinho no seksaun meudia nia ho Premeiru Ministru Australia Hon Scoot Morrison no ajenda lokraik xefi estadu enkontru ho Prezidente Da Asembleia Da Republika Portugues ikus ho reprezentante Premeiru Ministru Japaun neebe reprezenta husi vice ministru Norikazu Suzuki.Emerenciana Pinto/ESTI 05/ EST10

Komentariu

Facebook Comments

Leave a Reply

Your email address will not be published. Required fields are marked *