PM Rui: “Tinan Oin Ita iha Tusan kuaze 300 Miloes”

PM Rui: “Tinan Oin Ita iha Tusan kuaze 300 Miloes”

- in Nasional
4761
2
Rui Araujo

DILI- Tinan oin kuandu governu impelementa imprestimu husi JICA, ADB no Banku Mundial Timor Leste sei iha tusan kuaze miloens 300, maske orsamentu jeral (OJE) 2016 parte infrastrutura hatodan prosesu ejekusaun.

Tuir Primeiru Ministru Rui Maria de Araujo hatete Prosesu selu ba inprestimu  balun tinan 30 no tinan 40 mais la siginifika Timor Leste la selu, maibe kada tinan governu halo programa atu selu osan inan laos selu funan.

Ita nia orsamentu no nesesidade neebe ita iha, hare mos husi ita nia fundu mina rai neebe ita iha, ita sei bele husu tusan to bilaun 1 maibe ita seidauk too, se tinan oin mak ita implementa tan kuaze iha 300 miloens mak ita foti hanesan tusan,” dehan Rui ba Jornalista Kinta (13/10/2016) iha Palasiu Prezidensial Nicolao Lobato, Aitarak Laran.

Nia hatete politika neebe governu adopta halo kombinasaun hanesan balun foti husi tusan no balun foti husi fundu minarai neebe Timor Leste nian iha hodi finansia infrastrutura rai laran. Tusan neebe mak governu foti tuir PM Rui katak tusan neebe mak foti mai husi Jica, ADB, Banku mundial neebe sira fo inprestimu konsensionais katak funan kiik maibe selu iha tempu naruk.

Hatan kona ba Ejekusaun Orsamentu Jeral Estadu 2016, Rui hatete Ejekusaun orsamentu Jeral lao diak maibe Atraja outuan iha parte infratrutura, tamba osan neebe aprova husi orsamentu ratifikativu oras nee sei halo verifikasaun lubuk ida molok atu halo pagamentu. Informasaun kompletu iha STL Jornal no STL Web, edisaun Sesta (14/10/2016). Timotio Gusmao

 

Facebook Comments

2 Comments

  1. HU pessoal aceita ho tusan maibe laos agora tamba ita hare realidade nebe mak ita hasoru ho sistema controlo nebe mak fraku no rekursu homanus nebe mak sei menus atu executa ita nia objektivo…hu tauk mak osan sira ita debe ne mai fakar hanesan orsamento sira tinan2 ne selu ba projeito sira nebe mak laiha kualidade.Sr.Primeiro Ministrio debe nia funan kik maibe ita bot iha ona istimasaun ba 30 anos mai ne ga lae makro ekonomia nebe mak sei akontese hanesan inflasaun no resesaun ekonomia hu TAUK mak ita hanesan indonesia nebe mak tusan sae aumenta barak,no hanesan nasaun failansu seluk nebe mak akontese dadauk hanesan Yunani,Egipty e inclui portugal nebe amk debe barak no ohin loron nia povo sofre selu impostu…ITa labele matan naklosu ho ema ofrese debe no hetan garantia funan kik maibe ita mos hare ba ita nia an prepara ona entermus ema kualifikadu atu gere no kontrola ba osan ou programa nebe mak governo trasa ona.

  2. Tusan boot ona mais dezembolvemento iha timor hakdasak no iha mos koalidade laiha, ita hare estrada carimbala nia kuaze atu at hotu ona, estrada Balibo mos HANESAN, estrada dili laran bonkar Pasan tinan bailoro, BE mos iha dili laran araska, edevisu Menisteriu finansas lauja, uma merkado nebe uluk halo iha suco sira kuaze lauja, osan ne lori selu deit estitular sira deit karik

Leave a Reply

Your email address will not be published. Required fields are marked *