PM Imforma Atividade Governu Ba PR, Husu Komunidade Labele Soe Lixu Arbiru

PM Imforma Atividade Governu Ba PR, Husu Komunidade Labele Soe Lixu Arbiru

- in Politics
80
0
POLITIKA e LEI

DILI– Premeiru Ministru Taur Matan Ruak.  hasoru malu ho Presidente Republika Fransisco Guterres Lu-Olo,  atu imforma atividade governu nian, no husu komunidade nia  konsensia atu nunee labele soe lixu arbiru iha sidade Dili.

Wainhira remata enkontru Premeiru Ministru Taur Matan Ruak,  hateten,  nian mai iha Presidente Republika atu Informa aktividade governu nian nebe halo, no problema sira nebe maka iha hanesan udan be sae sobu uma.

Premeiru Ministru hateten, tinan barak lahalo limpeza no sidade sai desorganizadu ema idak-idak halo uma iha bee dalan ikus udan bele hamosu inundasaun.

Tinan barak la halo limpeza diak depois ita nia sidade desorganizadu, ema ida –idak halo nia uma, iha bee dalan mos halo uma, naturalmente nia konsekuensia hanesan ema dehan buat neebe maka kuu buat, infelismente ita laiha problema hanesan iha Indonesia ho Mosambique, iha Australia, bee sae, lakon ida mate ita fo kondolensia ba nia familia” katak Premeiru Ministru ba jornalista sira kinta feira 21/03 iha Palacio Presidente Nicolau Lobato Bairo Pite Dili.

Premeiru Ministru dehan haree ba problema neebe maka akontese iha rai laran governu timor leste mos tenta buka dalan oinsa maka bele hadia, nian mos husu ba iha komunidade sira labele soe lixu arbiru.

Uza opotunidade nee husu ba komunidade tomak ajuda atu labele soe lixu arbiru, tama iha eskostu sira, bee dalan sira, metin tiha bee halai ladiak, hodi tama fali ita nia uma, Ita nudar sidadaun nia kontribuisaun nee importante los, governu esforus lori sidade ba foho, ida nee lae ita nia populasaun lori fali cidade ba foho, Ida nee problema boot, falismente laiha lakon boot, kompara ho pais sira seluk” katak premeiru ministru.

Xefi Governu mos alerta nafatin ba komuniade sira atu fo kontribuisaun oinsa maka soe lixu iha nian fatin atu nunee kuidadu sidade sai mos, ida nee importante. Notisia kompletu lee iha jornal STL edisaun Sesta (22/03/2019).Emerenciana Pinto/Carme Ximenes 

Komentariu

Facebook Comments

Leave a Reply

Your email address will not be published. Required fields are marked *