PM Fo Pose Ba Komandante Foun

PM Fo Pose Ba Komandante Foun

- in Nasional
107
0
mmm

DILI-Primeiru Ministru Taur Matan Ruak fo pose ba Komisariu Polisia Faustino da Costa nudar KomJer PNTL foun ho Inspetur Xefe Polisia Mateus Fernandes nudar Segundu KomJer hodi troka Komisariu Polisia Julio Hornay.

Seremonia tomada de pose nee halao iha Sentru Formasaun Akademia PNTL, Komoro, Dili, Kuarta ( 27/03/2019), aumesmu tempu komemora mos aniversariu PNTL ba dala sanulu resin sia.

Komandante Jeral PNTL foun antes nee nudar Segundu Komandante Jeral PNTL, no Segundu Komandante Jeral PNTL antes nee mos nudar Komandante Administrasaun Nasional PNTL.

Entretantu Komandante Jeral PNTL foun ho ninia Segundu Komandante Jeral PNTL nomeia husi reniaun Konsellu Ministru iha loron Kuarta Feira dia 13 fulan Marsu tinan 2019.

Partisipa iha seremonia Tomada de pose nee mak hanesan Prezidente da Republika Francisco Guterres Lu Olo ho ninia Espoza, Prezidente Tribunal Rekursu Deolindo do Santos ho ninia Esposa, Prezidente Parlamentu Nasional Arao Noe, Chefe Estadu Maior Jeneral das F-FDTL Maj Jeneral Lere Anan Timor, Ministru Interior Interinu e Ministru Defesa Brig. Gen. Filomeno Paixao, Komandante Jeral PNTL tuan Komisariu Julio Hornay ho ninia Espoza, Komandante PNTL foun Komisariu Faustino da Costa ho ninia Espoza, membru VII Governu Konstitusional, Sosiadade Sivil no komunidade sira.

Hafoin remata seremonia tomada depose Diretor FONGTIL Daniel do Santos Carmo hatete, Hanesan Sosiadade Sivil nia esperansa ba Komandante Jeral foun atu bele aktivu liu tan halo dezenvolvimentu diak liu ba PNTL, hodi atinji Vijibilidade involvimentu professional ( VIP).

Ita hakarak Komandante Jeral foun nee bele promove diak liu tan PNTL ida neebe sensible ba direitus humanus katak, PNTL ida neebe atua situasaun hotu hotu respeita ba Komandante boot liu iha ita nia rai mak lei no ordem ,” dehan Diretor Daniel. Notisia kompletu lee iha jornal STL edisaun Kinta  (27/03/2019). Carme Ximenes

Komentariu

Facebook Comments

Leave a Reply

Your email address will not be published. Required fields are marked *