PM-Diplomata Deskute Kooperasaun Bilateral

PM-Diplomata Deskute Kooperasaun Bilateral

- in Politics
280
0
images (1)

Editor: Godinho Barros

DILI — Primeiru Ministru, Taur Matan Ruak  hasoru malu ho diplomata husi Nasaun sira hanesan India, Iraun, Fransa nomos Ejiptu hodi deskute kona ba kooperasaun bilateral.

Hafoin remata enkontru Embaixador Fransa ba Timor-Leste, Oliver Chambard hatete, hanesan Embaixador  foun neebe akreditadu iha Timor-Leste, entrega ona karta kredensial ba prezidente Timor nian

Hau mai hasoru Primeiru Minstru Timor nian, ami deskute kona ba kooperasaun no ami mos halo koperasaun barak ho entre nasaun rua, no koalia mos ho primeiru ministru kona ba situasaun atual no dezenvolvimentu ekonomia iha Timor Leste nian, dehan Oliver ba Jornalista Sesta (21/02/2020), semana kotuk.

Nia dehan  iha programa sira neebe hakarak oferese ba Timor-Leste hanesan treinamentu administrasaun, treinamentu sivil ba Timor oan nain 7, no diplomata Timor nian balun sei joint hamutuk iha koperasaun nee. Tan Fransa prontu atu halo koperasaun ho Timor-Leste.

Ami deskute mos kona ba  dezenvolvimentu ekonomiku iha Timor-Leste, tanba relasaun ho  kompania bollore neebe dadaun nee  halo hela Portu Tibar, nee importante los ba ekonomia Timor-Leste, tenik Oliver.

Nia dehan, Primeiru Ministru Timor-Leste agradese tebes  ba apoiu neebe Fransa sempre fo ba Timor Leste.

Iha fatin hanesan Embaixador Iraun mai Timor-Leste, Mohamad Khousuh  Heikal Azad dehan nia mai Timor-Leste, atu aprezenta nia karta kredensial ba Prezidente Republika Timor-Leste.

Ami enkontru ho Prezidente Parlamentu, agora ho Primeiru Ministru Timor-Leste nian, nunee mos  hakarak halo koperasaun ho Timor-Leste iha areas diferentes hanesan polítika, ekonomika no kultura, tenik Mohamad.

Nia espera, iha polítika neebe diak husi Timor-Leste, nunee nasaun rua nee  bele halo  explorasaun área kooperasaun sira, no mos troka ideias barak.

Primeiru Ministru katak Muhamad apoiu, tanba nee Primeiru Ministru prontu troka delegasaun, nunee mós ekonomia, komunidade emprezariu diak, maibe ita tenke koopera ho emprezariu sira iha Timor-Leste, relata Muhamad.

Nuneee mos Embaixador Ejíptu Mai Timor-Leste Ashraf Mohamed Moguib Sultan hateten, objetivu hasoru  malu ho Primeiru Ministru, deskute kona ba topiku barak, no  primeiru mos koalia oituan situasaun polítika iha Timor Leste.

Sultan dehan Ejiptu  presiza iha komitmentu neebe diak atu kontinua hametin relasaun diak ho Timor-Leste. no presiza iha kooperasaun hodi  explora no esplika areas kooperasaun sira neebe iha, hodi transmite ba Timor-Leste.

Hau nia misaun iha nee hau dehan ona, hakarak apoiu areas neebe presiza oinsa bele dezenvolve relasaun entre nasaun rua, primeiru mak ita iha elementu geográfika oituan, tanba geografikamente Ejíptu dook los ho Timor Leste, maibe ami entende ida nee laos sai difikuldade atu dezenvolve ita nia kooperasaun, esplika Sultan.

Nunee mos Embaixador India Mai  Timor-Leste, Pradeep Cumar Rawat hateten  diskusaun neebe halao ho primeiru-ministru, koalia kona ba oinsa nasaun rua nee bele serbisu hamutuk iha areas sira hanesan  edukasaun, dezenvolvimentu esperensia, setor enerjia.

Ami rua hatene no kompriende katak, Timor-Leste sei harí embaixada iha India, depois haree mos atu harí embaixada India iha Díli. Hau hanoin ida nee sei iha planu ba Timor Leste atu harí embaixada iha India, no ami mos iha hela planu, esplika Pradeep.

Primeiru Ministru kontente los, tanba misaun diplomata importante los atu bele prepara relasaun iha area oi-oin. ESTI-01

 

Komentariu

Facebook Comments

Leave a Reply

Your email address will not be published. Required fields are marked *