PM Desizaun Politika

PM Desizaun Politika

- in Politics
222
0
downloadD

Editora : Carme Ximenes

DILI – Maski deklara Aliansa Mudansa ba Progresu (AMP) laiha ona, maibe Primeiru Ministru (PM) Taur Matan Ruak kontinua asume kargu Xefe Governu, tanba kargu nee desizaun politika lahanesan ho matematika.

Aquelino Ribeiro Fraga Guterres Ete Uco hanesan Veteranus hatete, kuandu PR demite governu nee bainhira PM rezigna aan, maibe nia koalia katak AMP laiha, maibe realidade AMP sei lao. Nia koalia nee politika deit, tanba AMP rezistu hela.

Nia dehan, haree iha dialogu agora dadaun Prezidente Republika mos fo garantia ba Taur, atu nafatin asume Primeiru Ministru.

Desizaun politika lahanesan matemika, katak 1 mais 1 dois,  maibe desizaun politika nee ohin ita hamutuk ho ema ida, aban ba oin buka fali ema seluk, neebe desizaun politika mak nunee, hein katak ba oin sira bele buka malu rezolve situasaun impase politika nee, hatete Ete Uco ba STL, iha Balide, Dili, Kinta (13/02/2020).

Nia dehan, politika nee hakarak koalia sai ohin koalia ida, aban koalia ida, maibe mos realidade akontese situasaun nee, maibe hanoin katak PR sei bele kontinua buka solusaun, relasiona ho pontu 3 neebe lider istoriku sira koalia katak iha opontu 3 ida mak kontinua fo komfiansa ba TMR, sai PM durante porsesu nee lao, hodi hein bainhira mak PR foun iha.

Iha parte seluk, Vise Bankada FRETILIN  Deputadu Francisco Branco antes nee hatete, deklarasaun PM katak AMP laeziste maibe nia kontinua asume kargu PM, ida nee nia hanoin  kontradis oituan, maibe ida nee mak politika  nain sira halimar politiku iha povu nia terus.

Nia hatete, sira hanesan partidu neebe pro-povu haree ida nee sente triste, maibe problema mak CNRT halo OJE 2020 sumba neebe aprezenta husi AMP kooliga husi partidu 3, maibe agora sira rasik duvida ba sira nia desizaun, tanba nee agora sira buka atu oinsa sai husi sitasaun ida nee.

Tanba tuir Branco katak, komplexu tebes situasaun nee, maibe TL ema hotu povu  ho lider politiku sira abiatuadu ona moris ho situasaun difisil  fiar metin katak, sei ultrapasa situasaun nee, no too iha eleisaun 2023 TL tama faze foun, atu hodi fokus ba estadu no povu nia moris.

PM deklara AMP laeziste maibe kontinua asume kargu, lojika kalae nee publiku hotu haree rasik ho matan, katak situasaun nee lao hanesan nee, tenik Branco.

Nia haktuir tan katak, iha partidu politika, bainhira iha kooligasaun mak akontese situasaun hanesan  governu da-8 nian hafoin OJE sumba, PM deklara AMP mate no hakoi ona, maibe kontinua asume kargu nee laiha regras ida atu regula, maibe oinsa etika.

Entretantu jornalista sira koko konfirma ho deputadu husi Bankada PLP Sabino Guntur, maibe sira labele fo komentariu.*

Reportajen : Guilhermina Franco / Jeniche da Costa

 

Komentariu

Facebook Comments

Leave a Reply

Your email address will not be published. Required fields are marked *