PM Aprezenta Ona Karta Demisaun Ba PR

PM Aprezenta Ona Karta Demisaun Ba PR

- in Headline, Politics
761
0
87550862_1362118783973393_8972426374878855168_n

DILI– Primeiru Ministru Taur Matan Ruak aprezenta ona karta ba Prezidente Republika Francisco Guterres Lú Olo hodi husu demisaun.

Bainhira remata enkontru Primeiru Ministru Taur Matan Ruak ba jornalista iha Palasiu Prezidente Bairru Pite Tersa 25/02 dehan Ohin enkontru ida neebe Prezidente Republika konvoka no PM hatama karta ida manifesta ho intensaun ba demisaun.

Ohin enkontru ida neebe Prezidente Republika konvoka no hau koalia ho Prezidente Republika, hau hatama karta ida manifesta hau-nia intensaun ba demisaun. Ohin, hau koalia ho Prezidente maibe ultima palavra ba Prezidente nee mak tuir ita-nia konstituisaun. Demisaun nee validu kuandu Prezidente dekreta ona, enkuantu seidauk iha, hau kontinua hanesan Primeiru-Ministru atu garante ita-nia atividade governativa iha ita-nia rain, dehan Taur.

PM dehan konaba Kona-ba durasaun tempu atu dekreta, Taur dehan, nee depende ba Prezidente Republika.

Aman governu nee dehan se kuandu bainhira Prezidente Republika Francisco Guterres Lu olo mak la dekreta pedidu demisaun husi Primeiru ministru mak nia prontu atu serbisu nafatin no la husik nasaun.

 Serbisu nafatin. Siap, Ita mos labele husik ita-nia nasaun sem diresaun hanesan kareta ida karik, kondutor laiha,” PM hatete.

Taur dehan nia aprezenta karta rejignasaun nee tanba konsidera koligasaun foun iha ona, no karta demisaun nee sei validu bainhira Prezidente Republika dekreta se kuandu la dekreta mak nia kontinua PM.

Hau hanoin ita-boot sira rona ona, koligasaun foun iha ona. Hau hanoin too tempu, hau sei esplika ba populasaun no hau hateten ba ita-boot sira katak demisaun nee validu bainhira Prezidente dekreta. Kuandu seidauk dekreta, hau kontinua Primeiru Ministru, dehan Taur.

Nunee mos iha loron segunda feira Prezidente Republika Francisco guterres Lu olo bainhira partisipa Abertura Komferensia Nasional Komisaun Anti Korupsaun dehan Xefe Estadu hein karta demisaun husi Primeiru-Ministru Taur Matan Ruak.

Komentariu

Facebook Comments

Leave a Reply

Your email address will not be published. Required fields are marked *