PLP Oposizaun, Taur Rekoinese Vitoria Fretilin

PLP Oposizaun, Taur Rekoinese Vitoria Fretilin

- in Nasional
147
0
TAUR-ALKATIRI

DILI- Maske Partidu PLP deklara ona sai hanesan oposizaun iha Parlamentu Nasional, maibe liu husi sira (Red: PLP) nia Prezidente Partidu Taur Matan Ruak Rekoinese Vitoria neebe maka Fretilin hetan iha eleisaun foin lalais.

Kestaun nee Prezidente Partidu PLP Taur Matan Ruak, hato bainhira halo inkontru ho partidu vensidor Fretilin, konaba formasaun VII Governu, iha Hotel Novu Turismu, Dili, Kinta (10/08/2017).

Hafoin remata inkontru Prezidente PLP Taur Matan Ruak ba jornalista sira katak, Partidu PLP kongratula no rekoinese Vitoria neebe maka Fretilin hetan, maibe PLP mantein hanesan oposizaun iha Parlamentar no lakoi atu eleisaun antisipada akontese.

Inkontru nee diak los hau agradese no kongratula Vitoria neebe maka Fretilin hetan iha eleisaun foin lalais, maibe ami mantein nafatin hanesan oposizaun iha Parlamentu Nasional, mais lakoi atu eleisaun antisipada akontese,” dehan Prezidente PLP Taur.

Partidu PLP tuir Eis Prezidente Republika nee katak, Laaseita eleisaun antisipada signifika prosesu nee sei lao no sei hare, tanba sedu demias, maibe buat hotu partidu mais votadu maka sei hatene oinsa maka bele servisu hamutuk ho partidu sira seluk.

Responde konaba inkontru nee Kolia mos programa PLP ho Fretilin nian oinsa bele integra malu karik iha koligasaun, Prezidente PLP Taur hateten, Nee intermus neebe sei bele kolia iha tempu seluk.

Entretantu responde konaba kestaun diskursu neebe, maka uluk sei hanesan Prezidente da Republika Taur Matan Ruak hato iha Parlamentu Nasional, konaba lider historiku Xanana Gusmao ho Mari Alkatiri halo nepotismu, Taur hateten, Buat neebe maka akontese iha pasadu nee liu ona, maibe entre fundador nasaun nian Mari Alkatiri mos ida hotu, no Matan Ruak sei servisu hamutuk ho sira.

Iha fatin hanesan Sekjer Partidu Fretilin Mari Alkatiri hateten, Fretilin respeita desizaun Partidu PLP no apresiza intensaun PLP nian neebe maka lakoi eleisaun antisipada akontese. Carme Ximenes

Facebook Comments

Leave a Reply

Your email address will not be published. Required fields are marked *