PGR Informa Kasu Tiago Guerra Ba PR

PGR Informa Kasu Tiago Guerra Ba PR

- in Nasional
513
0
PJR_Jose Ximenes

DILI – Prokurador Jeral Republica, Jose Ximenes, halao enkontru mensal ho Presidente Republica, Fransisco Guterres Lú Olo, hodi informa konaba lalaok serbisu Ministeriu Publiku nia inklui kazu sidadaun Portuguesa, Tiago Guerra neebe halai ba Portugal liu husi Australia.

Ba Jornalista sira iha Palacio Presidente, Aitarak Laran, hafoin enkontru, Jose Ximenes informa katak, iha enkontru mensal nee, nia parte informa ba Presidente konaba planu inspeksaun ba ultimo kursus majistradu ba tinan 2018 nian.

Enkontru ida nee hanesan enkontru mensal hodi hatoo ba Presidente Republika, konaba serbisu no atividades sira ne’ebé ami dezenvolve durante fulan Outubru nian, no primeiro konaba planu inspeksaun ba tinan 2018 ninian, ba majistradu sira, ultimo kursus ninian ba prokurador sira,” hateten Jose Ximenes.

Nia hatutan katak, iha enkontru nee informa mos ba Presidente kazu sidadaun Portugues nain rua ne’ebé halai sai husi Timor Leste ba iha Australia iha loron 9 Novembru 2017.

Prokurador Jeral Republika kontinua halo kontatu informal ho Ministeriu Publiku Portugal relasiona ho kazu Tiago Guera-cidadaun Portuguesa neebé halai sai husi Timor-Leste, maibe seidauk bele foti medidas, tamba tenki hein desizaun Tribunal Recursu.

Nia dehan Ministerio Publiku Timor-Leste halo ona kontaktu formal ho Portugal, no kontinua halo nafatin, maibe tenki hein dezisaun Tribunal Recurso, tamba advogado apresenta rekursu ba Tribunal.

Nia hateten, wainhira Tiago ho nia fen Chang Fong Fong to’o iha Australia, Polisia Federal Australia nian informa kedas ba Gabinete Prokurador Jeral da Republika Timor Leste, no iha momentu ne’e, Ministerio Publiku husi kedas ba Tribunal atu emite karta detensaun.  Natalino Costa

 

 

Facebook Comments

Leave a Reply

Your email address will not be published. Required fields are marked *