Persija Tau Matan Ba Feto

Persija Tau Matan Ba Feto

- in Metro
255
0
FETO

DILI– Governu persija tau atensaun ba feto sira neebe maka oras nee halao sira nia atividade negosiu kiik iha dalan ninin.

Xefi Aldeia Soru Mutu Ba Dame, Gina M.D. Fatima hatete, governu persija tau atensaun nafatin ba feto sira neebe maka oras nee sei moris hela iha dalan ninin, no hakilar hela ba bee mos.

Nuudar feto ida neebe kaer kargu nudar xefi aldeia iha Soru Mutu ba Dame, suku Kuluhun hau nia lia menon ba governu foun mai, atu tau matan nafatin ba maluk feto sira neebe maka oras nee dadaun sei moris iha dalan ninin no sei hakilar hela ba bee mos, tanba feto mos persija hetan atensaun husi governu,” katak Gina ba STL iha Sede Suku Kuluhun, Sesta, (08/09/2017).

Gina hatutan, alende xefi aldeia nomos militante fretilin nia garantia katak, iha governu foun neebe maka kaer husi partidu fretilin bele tau atensaun no rona povu nia hakilar tomak, neebe maka durante nee komunidade sira hakilar iha sira nia hela fatin rasik.

Nia hatutan, nia parte lahusu buat barak ba governu maibe, buat neebe maka husu maka oinsa governu loke matan ba feto maluk neebe maka oras nee dadaun sei moris iha dalaan, nomos feto neebe maka iha area rural hakilar hela ba bee mos nomos eletrisidade.

Iha sorin seluk, komunidade Maria Amaral hatete, feto nia papel mos importante iha sosiedade sira nia leet, maibe realidade neebe maka iha feto barak sei moris iha dalan ninin hodi buka osan tun sae, hodi sustenta familia. No feto neebe maka iha area rural mos seidauk hetan sira nia direitu nee rasik, tanba nee governu persija tau atensaun ba sira.

Ita hotu hatene katak feto nia papel importante iha sosiedade nia leet nomos iha ita nia rai laran rasik. Maibe realidade neebe maka iha maluk feto barak oras nee esforsu aan iha familia laran, hodi buka osan sustenta familia sira. Sira partisipa iha kualker aktividade, ita mos hareee feto barak neebe maka partus iha area rural, sira dook husi bee mos, maibe sira pasensia hodi ba kuru bee,”.

Nia akrezenta governu persija tau matan ba feto sira, tanba feto nia presensa importante iha familia, sosiedade, governu, parlamentu nasional, tanba nee persija tulun. Emerenciana Pinto

Facebook Comments

Leave a Reply

Your email address will not be published. Required fields are marked *