Persija Hamoris Fali Grupu Solidaridade Kontra Australia

Persija Hamoris Fali Grupu Solidaridade Kontra Australia

- in Notisias Online
731
0
Avelinho

DILI – Atu obriga Australia hodi halo dialogu ho Timor Leste konaba fronteira maritima maka dalan ida hamoris fila fali grupu solidadridade hotu neebe mak uluk fo apoiu ba luta ukun an TL, inklui mos grupu solidadridade Australia rasik.

Prezidente Partidu Socialista de Timor (PST), Avelinho Coelho, ba Jornalista sira iha ninia servisu fatin Kuarta (02/03/2016) hatete oras nee grupu solidaridade hotu iha rai liur inklui Australia mos hahu ona organija malu atu halo asaun pasifiku hasoru governu Austrlia, konaba fronteira  Tasi Timor.

Ita sei halo asaun dala ida no iha grupu solidaridade balu iha Asutralia sei halo asaun hasoru governu  Australia  iha loron 24 fulan ida nee sira nee povu Asutralia neebe mak ulun fo apoiu ba ita nia ukun rasik an no iha Dili hahu organija ona no sei halo asaun nee iha loron 22 too 23 lolos nee halo iha loron 24 maibe kinta feira atu tama loron paskua no ita kontinua ejiji Australia atu tur ho ita kolia konaba limitasaun fronteira maritima tanba nee mak ita hamoris fila fali grupu solidaridade hodi halao asaun hasoru Australia,” dehan Avelinho.

Nia hatutan manifestasaun neebe mak sei involve povu, sosiadade sivil, ativista no seluk tan nee ho objetivu atu kontinua fo forsa ba estadu hodi luta ba direitu Timor Leste nian, tanba nee mak PST kontinua kordena ho parte hotu-hotu hodi bele hamoris fila fali grupu solidareidade iha Indonesia, Portugal nomos Australia hodi ejiji nafatin Australia.

Iha fatin ketak tuir Responsavel Movimentu Kontra Okupasaun Tasi Timor (MKOTT), Juvinal Dias, hatete laiha demostrasaun hasoru hasoru governador Australia nian neebe mak halo vijita mai iha Timor Leste maibe MKOTT sei hatoo deit mak karta petisaun. Informasaun kompletu iha STL Jornal no STL Web, edisaun Kinta (3/3/2016). Thomas Sanches

Komentariu

Facebook Comments

Leave a Reply

Your email address will not be published. Required fields are marked *