Pensaun Eduka Povu Barukten

Pensaun Eduka Povu Barukten

- in Nasional, Politics
46
0
image002

Editora: Carme Ximenes

DILI– Programa governu fo pensaun ou subsidiu ba veteranus, martires no idozu, halo povu kontenti goza osan nee, maibe ikus mai eduka sira sai barukten atu servisu.

Governu fahe osan ba ema neebe veteranus, martires no terseira idade, halo sira depende deit ba osan neebe governu fo kada fulan, tanba lakoi ona halo servisu hanesan agrikultor no loron kalan mak joga hodi hein deit estadu.

Los duni katak, depois de lei nee sai, hodi fo osan asitensia sosial no mos martires, veteranus sira, iha hau nia suku rasik too agora ami laiha kintal, tanba ami nia kintal mak merkadu,  mezmu ami nia rai nee bokur, maibe ami la halo toos, agora  halo grupu tiha depois joga bingo, kada fulan simu subsidiu husi governu, dehan Outreach Asia Justice and Right (Ajar), Inocencio de Jesus Xavier, ba STL, iha nia knar fatin Farol, Dili, Tersa (07/01/2020).

Maibe nia dehan, ida nee sai hanesan risku boot, tanba reseitas hotu husi fundu minarai, agora toos no natar la dezenvolve diak, sei mate iha 2030. Tanba gasta osan la hetan retornu neebe diak, ba mega projetu.

Iha situasaun agora ita deve iha banku mundial, xina, agora osan sira nee atu bele halo dezenvolvimentu, neebe los duni, ami nia haree, iha hau nian suku batar deit ami sosa iha merkadu, maibe iha tinan hirak liu ba batar ami nunka sosa,  maibe agora simu tiha pensaun nee halo ema baruk ten, atu halo toos no natar, nia dehan

Iha parte seluk, vise Preizente Mokatil, Munisipiu Liquica, Manuel Almeida Ramos dehan, povu labele depende ba osan ida nee, maibe hanesan ema agrikultor, oinsa mak atu bele hasae nafatin produsaun rai laran, tantu batar ka hare.

Too agora ita sei dependensia ba sasan importasaun, tanba ema barak lakohi halo toos no natar iha ida-idak nian Munisipiu, tanba ita nian governu oferese osan pensaun ba ita nian inan aman sira, tenik nia

Nunee mos, Marcelino de Jesus, hanesan membru Mokatil, dehan, iha Munisipiu sira nee rai bokur barak, maibe  agora nee povu sira hahu baruk fila halo toos no natar, maibe rai bokur sira nee povu lakohi dezenvolve diak, para hasae produsaun.

Ita nian rai bokur nee barak, maibe oinsa ita rasik mak lakohi dezenvolve diak, hodi hasae ita nian produsaun rai laran, no ita sei dependensia ba aihan neebe mak importasaun, tanba agora nee ita konsumu deit sasan importasaun husi liur,”nia hatete. Jacinta Sequeira/Madalena Horta

Komentariu

Facebook Comments

Leave a Reply

Your email address will not be published. Required fields are marked *