Pedidu Estadu Emerjensia Aprova Taur: “Nasaun Risku Ita Hamutuk”

Pedidu Estadu Emerjensia Aprova Taur: “Nasaun Risku Ita Hamutuk”

- in Nasional, Notisias Online, Politics
227
0
image002

Editor: Crisogono Magalhães

DILI – Virus Corona komesa hadaet ona mai nasaun Timor Leste, tanba nee Parlamentu Nasional aprova pedidu Estadu Emerjensia husi Prezidente Republika, ho votus unanimidade afavor 64, kontra 0, abstensaun 0.

Liu husi sesaun plenariu extraoridariu durante loron ida tomak Kinta (26/03/2020), hafoin deputadu sira hamutuk ho governu halao diskusaun dader too lokraik, kona ba pedidu estadu emerjensia nee rasik.
Iha debate nee deputadu sira hatoo preokupasaun no governu mos hatoo klarifikasaun no justifikasaun ba pedidu estadu emerjensia, nunee Prezidente PN Arão Noe sub-Mete ba votasaun.

Liu husi votasaun nominal, neebe kada deputadu ida-idak halao deklarasaun de votus , ba pedidu nee iha, deputadu sira hotu fo votus afavor, 64, kontra 0, abstensaun 0. Husi rezultadu votus nee 64, tanba deputadu Adriano do Nascimento aujensia.
Iha intervista Prezidete Parlamentu Nasional Arão Noe hatete, pedidu estadu emerjensia aprova ona agora fora oras servius, neebe ohin sesta red mak prepara textu final haruka ba PR.

Neebe haruka ba PR tuir aprovasaun ohin nia tama em vigor komesa dia 28 madrugada, tanba ohin Sesta PR foin dekreta, depois tama em vigor ka validu, hatete PPN Arão ba jornalista sira, iha PN, Dili, Kinta (26/03/2020).

Arão esplika, tuir pedidu neebe PR fo mai nee tuir loos dia 26 horisehik nee tama ona em vigor ka validu ona, maibe tanba foin mak aprova ohin, neebe ohin Sesta dia 27 foin haruka ba PR, no PR sei promulga mak dia 28 Sabadu foin validu.

Nia afirma, Estadu Emerjensia nee lasiginfia funisonamentu estadu laservisu, servisu kontinua nafatin, maibe atu limite deit sirkulasaun ema nian. Maibe buat sira nee hotu sei regula ho dekretu governu nian, importante mak iha ona autorizasaun bazeia ba mensajen PR nian deskreve item sira nee depois haruka ba PR.

Enkuantu kona ba movimentasaun ekonomia liu-liu movimentu povu sira ba vida ekonomia, nee iha pontus barak mak koalia ba ekonomia, maibe nee kompetensia governu mak sei haree ba situasaun depois haree ba nesesidade no preoridade estadu nian.

Taur,Nasaun Risku Ita Hamutuk

Entretantu Primeiru Ministru Taur Matan Ruak, orgullu, hatoo parabens ba PPN ho deputadu sira nia desizaun, atu fo autorizasaun ba PR dekreta Estadu Emerjensia iha Timor-Leste.

Ita halo tan istoria ida, ezemplu diak ba sidadaun sira, hatudu katak momentu neebe nasaun hetan risku no problema iha moris ita hamutuk, hatete Taur.

Xefe governu nee apela ba populasaun atu kopera liu-liu ba inan aman sira, familia sira neebe iha rai liur mai labele subar, sira tenke fo hatene, lori ba iha klinika, polisia ka forsa sira neebe besik atu bele halo kanaliza nunee fo orientasaun para bele proteje sira ba moras ida nee no mos ajuda proteje sira nia familia ho komunidade.

Enkuantu pedidu Estadu de Emerjensia nee aprova ona iha PN, emprinisipiu nia aplikasaun nee sei limite deit movimentasaun ema, maibe nia medidas sira nee sei tuir evolusaun situasaun.

Tanba ita laos dehan katak labele lao loos, maibe presiza ba ospital, klinika ba sosa buat ruma, maibe sei iha regras, tanba nee iha reras hotu-hotu tenke halo tuir, afirma Taur.

Xefe governu nee afirma ba populasaun hotu, atu labele ba besik malu, halibur malu para depois bele kontajia malu, baihira besik malu ho ema neebe mak suspeita ba corona. Neebe maibe medidas sira nee hotu governu sei fo hatene.*

Reportajen: Guilhermina Franco / Jeniche da Costa

Komentariu

Facebook Comments

Leave a Reply

Your email address will not be published. Required fields are marked *