PDHJ Laos Inimigu Ba Instituisaun Seluk

PDHJ Laos Inimigu Ba Instituisaun Seluk

- in Distritu
264
0
image_212816_0_1340360180

AMBENO–PDHJ nudar orgaun independente. Prezensa PDHJ iha sosiedade nia leet no knar neebe PDHJ halao, laos “inimigu” ba instituisaun estadu/governu iha Timor Leste. Maibe PDHJ nian prezensa, atu kria relasaun diak no hatudu profesionalismu ba ninia knar tomak iha sosiedade nia leet, inklui sosiedade Oecusse.

Deklarasaun nee hatoo husi PDHJ Nasional, Silverio Pinto Baptista bainhira ho ninia delegasaun tomak aprezenta Direktur PDHJ RAEOA foun, Paulo Ribeiro, iha Edifisiu PDHJ Oecusse, Bairo Santa Rosa, Suku Costa, Sub-Rejiuan Pante Makasar, Tersa (10/10/2017).

Neduni, prezensa PDHJ iha RAEOA, atu hadia iregularidades neebe mosu no akontese iha Oecusse. Atu nunee, buat neebe sala, ladun los, bele halo sai diak iha futuru. Nia husu ba entidades tomak iha Oecusse  atu konsidera PDHJ nudar belun diak ida.

Hau hatene, existensia PDHJ iha Oecusse, dalawain entidades tomak konsidera nudar inimigu ida.  Bainhira PDHJ mosu iha sosiedade Oecusse nia leet, hateke ho matan sorin ou matan ikun, katak PDHJ mai hafuhu ona ita. Maibe ami nia existensia laos atu sai inimigu maibe atu sai belun diak, para hadia iregularidades neebe mosu no akontese iha rejiaun nee,” hateten Silverio.

Mos nia husu entidades tomak iha Oecusse, labele mosu hanoin ida katak, prezensa PDHJ iha sira nia leet, hakarak buka pontu frakeja ka buka sira nia sala. Maibe hakarak sai belun diak hodi hadia buat neebe sala ou ladun diak, para sai diak. Dalan neebe sala presiza hadia sai ba dalan los.

Mai ita hotu servisu hamutuk para lori dezenvolvimentu iha rejiaun nee para lao diak liu. Atu nunee, komunidade bele goza sira nia direitu nudar sidadaun. Intensaun mak ida nee duni. Dalaruma via telefone sen mensajen ba malu, maski kles liafuan ba malu maibe intensaun hakarak dudu prosesu dezenvolvimentu nasional lao ba oin ho diak. Nudar provedoria, ami tenki asegura katak, PDHJ tenke sai instituisaun neebe independent. Ami lahare ba sese,  lahare ba kor politikus. Ami konsidera hot-hotu. Se deit mak sai autoridade, sertamente hakarak lori dezenvolvimentu ba komunidade. Labele ba fali grupu ida, ba fali kor partidu A ka partidu B. Sei deit mak sai servidor do estadu iha nasional ka iha rejiaun ida, ita hotu sai kriadu. Se mak patraun, sertamente povu mak patraun, ita hotu servidor”.

Entretantu, Subtitui Prezidenti Autoridade (PA) RAEOA, Arsenio Paixao Bano hateten, nia mos pernah ba hatan dala ida ona iha PDHJ Oecusse.

Durante 30 minutus hau hatan ba PDHJ tamba kazu ida dehan, konfidensial. Ita labele koalia sala, mas kazu neebe mak hau liga ho asuntus sira, ligadu ho servisu profesionalizmu, no funsionamentu ba administrasaun Oecusse. Ita hotu hakarak boa governasaun, atu nunee, programa estadu nian bele lao diak no bele kombate kiak”.

Tanba nee, prezensa PDHJ iha RAEOA importante. “Ami kontenti tamba iha akompanhamentu ba servisu hot-hotu, ba autoridades too funsionario sira. Hau hakarak loron ida, ema mai lapor dehan, funsionariu ida nee lor-loron latama servisu, mas fulan too simu osan. Nee realidade neebe akontese iha Oecusse. Akontese barak tebes. I balu dehan, tama servisu jam 9:00 maibe lahalo servisu. Oras servisu remata, nia mos fila ba uma,” hateten Bano. Abilio Elo Nini

Facebook Comments

Leave a Reply

Your email address will not be published. Required fields are marked *