PDHJ Lansa Relatoriu Monitorizasaun Hand Tractor, Detekta Iregularidade

PDHJ Lansa Relatoriu Monitorizasaun Hand Tractor, Detekta Iregularidade

- in Metro
59
0
image_212816_0_1340360180

Dili-Provedoria dos Diretus Humanus E Justisa, halo lansamentu ba iha relatoriu monitorizasaun distribuisaun Hand Tractor ba grupu agrikultor sira. Iha monitorizasaun nee, detekta iha iregularidade balu.

Tuir Provedora PDHJ Jesuina Maria Ferreira Gomes katak, objetivu husi monitorizasaun nee atu hare ba implementasaun politika ministeriu agrikultura e peska liga ho distribuisaun traktor.

Objetivu husi monitorizasaun nee atu hare konaba implementasaun politika ministeriu agrikultura e peska liga ho distribuisaun traktor. Husi monitorizasaun nee detekta katak, em termus de gestaun iha problema lobuk ida iha neeba, rekomenda ba iha ministeriu agrikultura atu hadia, liga ho asuntu prosedementu neebe kria ona, maibe nia implementasaun la lao tuir saida maka iha ona, ”dehan Jesuina ba Jornalsita sira iha Kaikoli Sexta, (22/03/2019).

Salienta tan, iha monitorizasaun detekta katak, la iha lista ona konaba traktor sira nee balu neebe at ona no balu neebe diak hela, detekta mos problema manutensaun nian, tanba iha akordu verbal entre MAP ho grupu agrikultor sira, atu manutensaun nee responsabilidade ba grupu agrikultor sira. maibe grupu agrikultor sira kestiona, konaba alat balu la fan iha Timor.

Nunee iha monitorizaun nee detekta katak, iha Hand Tractor ida neebe simu nee grupu agrikultor sira fan tiha ba ema privadu, tanba nee rekomenda ministeriu agrikultura atu hare fila fali, foti medidas tanba Hand tractor uja orsamentu estadu nian.

Iha fatin hanesan Deputadu Komisaun F Mariano Asanami Sabino dehan, apresia ho servisu PDHJ nian, iha futuru atu hadia liu tan servisu neebe iha. Notisia kompletu lee iha jornal STL edisaun Segunda (25/03/2019). Terezinha De Deus

Komentariu

Facebook Comments

Leave a Reply

Your email address will not be published. Required fields are marked *