PDHJ Lansa Relatoriu Monitorizasaun Elprez

PDHJ Lansa Relatoriu Monitorizasaun Elprez

- in Politics
159
0
image_212816_0_1340360180

DILI – Provedoria dos Direitos Humanos e Justica (PDHJ) lansa relatoriu konaba rezultadu monitorizasaun Eleisaun Prezidensial (Elprez) 2017, atu bele garante boa governasaun no transparansia.

Serimonia lansamentu relatoriu nee partisipa husi lider partidus politiku, ekipa susesu kandidatura prezidente, organizasaun nasional no internasional, reprezentante orgaun CNE no STAE, Komisaun Funsaun Publika (KFP) no mos parte husi PNTL (Polisia Nasional Timor Leste).

Iha biban neeba, Provedor dos Direitos Humanos e Justica (PDHJ), Silveiro Pinto hatete katak, PDHJ hanesan instituisaun autonomu ida neebe halo nia papel atu garante boa governasaun no direitus umanus iha Timor Leste.

Provedoria dos Direitos Humanos deside publika relatoriu monitorizasaun ba eleisaun prezidensial iha area direitus umanus no boa governasaun,” dehan Provedor PDHJ, Silveiro liu husi diskursu iha lansamentu relatoriu PDHJ, Salaun CNE, Caicoli-Dili, Kinta (20/04/2017).

Provedor PDHJ, Silveiro haktuir, servisu monitorizasaun provedoria ninia laos deit iha eleisaun mak halo nia servisu ida nee, maibe haree ba natureza servisu ida nee parte ida husi natureza provedoria ninia.

Iha fatin hanesan, Reprezentante CNE, Odete dehan, CNE hanesan orgaun eleitoral apresia tebes ba PDHJ neebe konsege lansa ona relatoriu rezultadu monitorizasaun ba eleisaun prezidensial 2017 nian neebe lao diak. Raimundo S. Fraga

Facebook Comments

Leave a Reply

Your email address will not be published. Required fields are marked *