PDHJ Aprezenta Diretur PDHJ-DT Foun Ba RAEOA

PDHJ Aprezenta Diretur PDHJ-DT Foun Ba RAEOA

- in Distritu
51
0
PDHJ

AMBENO–Provedoria dos Direitus Humanus I Justisa (PDHJ), Silverio Pinto Baptista aprezenta Director foun PDHJ Delegasaun Territorial (PDHJ-DT), Paulo Ribeiro, ba Prezidenti Autoridade RAEOA no ZEESM TL iha Oecusse, Arsenio Paixao Bano, Tersa (10/10/2017).

PDHJ orgaun independente. Ninia knar atu haree, buka no hatan sidadaun sira nia problema, no hasoru poder publiku hodi haree lolos hahalok sira nee tuir duni  lei ka lae. Nomos halo prenvensaun hahu prosesu tomak hodi haburas justisa neebe konsagra ona iha Artigu 27 ponto 1 Konstituisaun RDTL .

Institute PDHJ hatur iha Lei Nu. 7/2004 (26 Maio), Artigu 33 konaba dever atu halao knar lisuk ho entidades sira seluk. Pontu 1 konaba PDHJ nian, iha dever atu hametin ligasaun ho instituisaun sira hanesan orgaun no autoridade sira  iha Timor Leste tomak, hodi aselera politika no pratika  komun sira, nomos hodi haburas knar lisuk.

Serimonia simu Diretur PDHJ-DT foun nee halao iha Edifisiu PDHJ Oecusse iha Bairo Santa Rosa, Suku Costa, Sub-Rejiaun Pante Makasar, Oecusse. Directur PDHJ-DT foun, Paulo Ribeiro ninia mandatu tinan 4, nia troka Directur PDHJ-DT sesante, Rosalina de Jesus Pires neebe remata ona ninia mandatu, Maio 2016 ate Julho 2017. I agora dadauk asumi fali knar nudar Ofisial Promoter PDHJ nasional. Paulo Ribeiro antes nee, halao knar nudar, fiskalaizador PDHJ sentral.

PDHJ Silverio Pinto Baptista hateten, tomada de posse ba Paulo Ribeiro halao ona iha Dili no tenke aprezenta ba Prezidenti Autoridade RAEOA ho estrutura tomak iha Oecusse para servisu hamutuk ho entidades tomak, sosiedade sivil iha Oecusse.

Hau nia mandatu tinan oin remata, hau lakoi provedoria foun ida mai atu kumplika kedan ho sira nia servisu ida re-estrutura entaun husik ba. Sira neebe servisu ho hau durante tinan 2, I provedoria foun mai nia servisu tinan 2 I depois  mak halo prosesu  rekrutamentu foun ba kargu direktur. Hau hakarak hatoo ba ita boot ba presidenti autoridade ho membrus tomak katak nia mak agora reprezenta provedoria iha RAEOA hau espera ita boot sira sei servisu hamutuk ho nia,” hateten Silverio Pinto.

Iha biban hanesan  Direktur foun ba PDHJ-DT RAEOA, Paulo Ribeiro hateten, prezensa PDHJ iha Oecusse atu sai belun diak ba sosiedade hot-hotu. Nia husu atu servisu hamutuk para lori dezenvolvimentu Oecusse lao ba oin.

Hanesan ita hatene katak PDHJ   bazeia ba konstituisaun RDTL neebe konsagra iha Artigu 27 neebe tau matan ba asuntu diretus humanus nomos ba promosaun boa guvernasaun  ninian,  hau sublinha liu deit katak exixtensia provedoria dos direitus humanus I justisa RAEOA laos atu sai inimigu ba autoridade nomos entidades tomak, maibe atu sai beleun diak ba ita hotu neebe mak haknar an iha servisu funsionalizmu publiku ninian entaun iha biban nee, existensia PDHJ ba oin ami sei persiza nafatin kolaborasaun kopersaun husi entidades tomak liu-liu autoridade RAEOA seguransa F-FDT,  PNTL atu kopera hamutuk ho PDHJ para oinsa atu proteje no halo promosaun ba iha asuntu direitos humanus nomos boa guvernasaun ninian, atu nunee lori prospriedade ba iha povo neebe mak ita servi  katak, povo mak sai liu rai ita mak sai servidor”.

Entretantu, PA RAEOA Arsenio Paixao Bano fo apresia no espera bele kria kordensaun hodi atu servisu hamutuk hasae profisionalismo tuir regras nudar servidor ba estadu. “Hau fo parabens bom trabalho ba direktur foun. Mai ita hamutuk halo kordenasaun diak ba malu, servisu ho laran mos. Karik, aban bairua provedor bolu, hatan mos latauk. Se servisu ita laran la mos, ita mai mos tauk. Jadi ita halo buat hot-hotu, tenki tuir regras”. Abilio Elo Nini

Facebook Comments

Leave a Reply

Your email address will not be published. Required fields are marked *