PD Prontu Kore Naha Todan Husi Maun Boot Sira

PD Prontu Kore Naha Todan Husi Maun Boot Sira

- in Distritu
754
0
Assanami

LAUTEM–Partidu Democratiku (PD) halo kampaina ba dala 22 iha Suku Moru (Parlamentu), Postu Admistrativu Lautem, Tersa (11/7/2017).  Iha ninia diskursu, Prezidente PD Eng. Mariano Assanami Sabino hateten, ema balu fo todan nafatin ba Xanana Gusmao no maun boot sira seluk.

Maibe jerasaun foun husi PD preparadu atu kore naha todan husi maun boot sira. PD tenke ba kaer ukun ona iha 2017. Atu nunee maun boot Xanana Gusmao, Mari Alaktiri, Taur Matan Ruak, Lere Anan Timor, Ramos Horta, Lu-Olo no Falur bele kurizi, PD ukun los ka lalos. PD bele halo ponte ka labele halo ponte. PD bele halo dezenvolvimentu ka la halo dezenvolvimentu, PD halo estrada ka la halo estrada atu maun boot sira bele koa fita tamba nee atu hateten deit katak jerasaun husi PD nia lori nasaun Tl ba oin.

PD laos hanesan jerasan seluk neebe mak kontinua fo naha todan ba iha katuas sira maun Xanana dalaruma nafatin hamos baleta kuak, estrada no ba atur fali kongresu CNRT nia kadeira joven sira iha neebe no sira neebe foinsae nee iha neebe.

Ami iha enerjia, ami iha kakutak no se deit mak koko ami nia kakutak ami prontu no se mak dehan matenek liu kakutak PD nia, ami PD prontu atu koko hodi halo debate publiku se deit,” hateten Assanami.

Tamba nee, laiha razaun atu hateten katak, jerasaun foun ladauk prepadu. Saida mak seidauk preparadu. Uluk iha funu laran, sira halo demostrasaun. Sira haksoit ba iha Embaixada USA iha Jakarta, no iha funu laran prontu debate ho professor no doutor sira katak Timor Leste bele ukun an.

Ami koalia tiha ona tempu funi nian no agora dehan la bele, la manpu no la manpu iha saida, la manpu halo estrada, la manpu atu adia kampu aviasaun no portu ka la manpu atu tau osan ba ferik no katuas sira nee laos pekerjaan susar nee laos rumit maibe rumit liu mak funu kuandu hasoru Indonesia,”dehan Assanami.

Nia hatutan iha okupasaun Indonesia iha intervista ida husi radio Netherland nia husu hanesan nee o funu no luta nafatin ho joven sira, maibe militar Indonesia barak liu imi no imi nia povu imi bele ukun an ka lae? Hau hatan, hanesan nee ami nia povu no ukun rasik an laos deit objetivu ida maibe hanesan fiar tiha ona katak ami moris mos luta ba ukun an no mate mos ami nia klamar nafatin luta ukun an. tamba isin maubere no klamar maubere.

Iha 15 anos nia laran no halo ona kampania iha Pairara, ba fohatene sira iha foho no Luro nia feton hahaoris ema lubuk iha Com no balun mai iha Moru no liurai sira iha Moru laos ema seluk sira nia abo feto nee mai husi Luro tamba nee liurai ida kaben husi hau nia tian husi Luro mak nia oan Natalia nee,”dehan Assanami.

Tamba nee, kestaun atu tuu ba Fretelin, ASDT, CNRT ka PD maibe kestaun mak halo mudansa kestaun tuu para mak ami halo mudansa no kestaun tuu para ami halo serbisu no kestaun tuu nee para ami atu adia moris. Tamba nee, Lautem oan sira ohin partidu boot tolu Fretelin, CNRT, no PD.

Antes nee, PD halo kampaina iha Manatuto. Iha biban nee, Sekjer PD António Conceição “Kalohan” hatete, PD bolu sira maun, tanba PD laos foin buka halo maun ho alin. Maibe, liderasan sira iha PD hatene ona interpreta saida mak mau sira hanoin, hodi lori nasaun ne’e ba ukun-an.

Kay Rala ita nia maun duni kedas. Iha tempu ne’ebe mak sei difisil. Ita ida-idak hola responsabilidade ba ita nia nasaun. Laos tau ba dehan, buat ne’ebe mak maun sira halo ne’e seidauk diak, nia mak tenke halo nafatin. Ida ne’e mak dehan, ita fo nafatin todan ba maun. PD hamri’ik atu hakama-an, todan ne’ebe mak maun sira lori desde ukun-an, husi tempu rejistensia to’o mai ita ukun-an,” hateten Kalohan.

Nia dehan, PD hamrik ho forsa rasik, kontak ho povu nia apoiu liu husi Eleisaun Parlamentar (ElPar), iha loron 22 fulan Julhu, bainhira hetan fiar husi povu sei hakma’an todan ne’ebe mak oras ne’e, sira seluk sei kanta iha fatin-fatin katak so maun deit mak bele. Maibe ida ne’e tanba sira la brani, sira atu halo buat ida ba rai ne’e.

Nee akontese tanba sira la brani atu halo. Tanba sira la brani atu halo. PD afirma desde tinan 2001, bainhira partidu ne’e hamri’ik. Katak sidadaun ida-idak tenke hola responsabildiade ba ita nia nasaun. Tanba ne’e ita hotu-hotu tenke senti sidadaun, tanba bainhira ita buka atu la halo, ita mos dehan kuandu halo ladiak, halo la hotu, sira mak dehan halo la los,” hatete Kalohan.

“Nee mak iha sira seluk nia hanoin, maibe PD hamrik duni ho keyakinan ka  konviksaun, katak nia tenke partisipa duni iha ukun ida ne’e atu hakama’an no lori dezenvolvimentu ba nasaun ida ne’e. Atu promove nafatin demokrasia iha ita nia rain. Tanba nasaun ida ne’e, labele sai aman ba ema ida deit. Aman iha duni, maibe aman ida ne’e labele hola buat hotu-hotu ba nia-an mesak deit,” dehan Kalohan.

Observador politiku Roberto Pereira haree katak rekursus umanus iha Timor Leste sufisiente ona atu lidera nasaun Timor Leste atu bele aselera no adia dezenvolvimentu iha rai laran. Tamba, iha provas balun hatudu ona iha jerasaun foun balun neebe mak lidera nasaun nee ho pasta Ministru, SekretariU Estadu halo ona buat lubuk ida ba rai doben Timor Leste.

Jerasaun foun Timor Leste agora nee, ema matenek barak ona atu desenvolve ona maibe kestaun mak maun boot sira seidauk fo poder ba sira atu hasai sira nia matenek nee hotu atu bele halo dezenvolvimentu,”dehan Roberto.

Nia hatutan, tuir lolos maun boot sira uluk liu sai hanesan aman ba nasaun atu halo kontrolu no asegura estabilidade iha rai laran liliu ba knar hotu neebe mak jerasaun foun lidera atu bele aselera dezenvolvimentu. No kuandu sira tuur hanesan aman iha Timor la iha ema ida neebe mak atu halo KKN tamba tauk maun boot sira hodi sira ba iha komarka. Domingos da Piedade Freitas

Facebook Comments

Leave a Reply

Your email address will not be published. Required fields are marked *