PD Husu Governante Ejekuta OJE, Efisiensia-Efikasia

PD Husu Governante Ejekuta OJE, Efisiensia-Efikasia

- in Notisias Online
217
0
Parlamentu Nasional

DILI-Bankada Partidu Demokratiku iha Uma Fukun Parlamentu Nasional, husu ba VIII Governu neebe lideradu husi Primeiru Ministru Taur Matan Ruak, atu ejekuta Orsamentu Jeral Estadu neebe mak Prezidente da Republika promulga ona ho efisiensia no efikasia, atu nunee povu kiik sir abele hetan benefisiu.

Prezidente Bankada PD Antonio da Conceicao hatete, Uluk nanain, lori Bancada Democrátiku nia naran no mos eleitoradus nebe fo fiar ba PD no mos povu Timor-Leste tomak nian naran hakarak sauda Excelência Prezidente da Republika nia matenek hodi hola ona desizaun promulga OGE 2019. Promulgasaun OGE, lós duni, ne’e dever konstitusional na’i Prezidente da Republika nian hodi kumpri. Nune’e balun bele dehan, se ne’e dever PR nian tuir konstituisaun tanba sa tenki fo obrigadu.

Tanba Partido Democrático expressa sentimentu gratidaun tanba situasaun nebe sei hasoru hela ezije, atu ukun nain sira iha sentidu de estado, katak haree ba ema barak nia interesse no nasaun nia vida; ezije mos atu ukun nain sira presiza iha espiritu de humildade eh espiritu haraik an tanba Ukun atu servi , ezije  ukun nain sira atu hatene koalia ba malu iha  hahalok ba kaer Ukun hodi Ukun, biar ida-idak iha ita nia kompetensia propria.

OJE Promulgadu ona. Povu no hotu hotu hein atu Orsamentu nebe promulgadu bele ezekuta ho didiak. Biar Osan Parlamentu ne aprova dala rua ona no Prezidente da Republika promulga dala rua ona, maibe ezekusaun sei hasoru dezafius boot. OGE 2018 nebe mai ho karakter urjente hodi selu projetus nebe mak halo tiha ona iha Governasaun sira kotuk nebe karakteriza hanesan tusan. Liu de’it fulan hira, PN aprova tan OGE 2019. Realidade mak sei iha projetus nebe seidauk selu.

 Agora ita iha ona OGE 2019. Ita hotu tenki konsciente katak ezekusaun presiza mos hala’o tuir prinsipiu efisiensia no efikasia, tenki halao tuir prinsipiu rigor orsamental e hala’o ho responsavel. Ita nia Governu sei hasoru hela dezafiu tanba estrutura nebe imkompletu. Ministerius importante tebes mak seidauk iha Ministrus hanesan Administrasaun Estatal, Saude, MTCI, Petroliu e Rekursus Minerais, Investimento, Interior no pasta seluk,” ,” dehan deputadu Antonio, liu husi deklarasun politika bankada PD, iha PN, Dili, Segunda ( 25/02/2019).

Nia dehan, Presidente da Republika kumpri ona ninia kompetensia hodi promulga Orsamento Geral do Estado hodi garante funsionamentu instituisaun sira estado nian nomos hodi dinamiza dezenvolvimentu nasional. Maibe ezekusaun ba orasamentu hodi garante funsionamentu instituisaun sira estadu nian no dinamizasaun ba dezenvolvimentu nasional tenki ezekuta no garante hosi Governu.

Iha fatin hanesan deputadu Domingos Lemos husi bankada CNRT hatete, Prossu sira neebe mak ba luta interse nasional nee mak rejultadu hatudu mai katak, tan deit buat sira nee hotu iha tinan 2017 laatinzi saida mak CNRT nia hakarak, tanba hakarak interese estadu tau iha fatin , dehan deputadu Domingos. Notisia kompletu lee iha jornal STL edisaun Tersa (26/02/2019). Carme Ximenes

Komentariu

Facebook Comments

Leave a Reply

Your email address will not be published. Required fields are marked *