PD Halakon Kareta Governu

PD Halakon Kareta Governu

- in Politics
251
0
images (3)

Editor: Godinho Barros

DILI — Partidu Demokratiku (PD), buka atu halakon kareta governu no prefere uza kareta privadu halao servisu estadu.

Ami nia politiku mak nee, ukun ho se deit ami hakarak halakon kareta governu, dehan Prezidente PD, Mariano Assanami Sabino ba STL iha nia rezidensia Ai-Mutin, Kuarta (19/02/2020).

Assanami hatutan partidu neebe hakarak hamutuk ho Partidu Demokratiku (PD), tenke buka atu halakon kareta governu. Tanba nia  rasik koko ona uza kareta privadu hodi halao  servisu.

Kareta govenu sei laiha, tanba  hau koko tiha ona, durante fulan 9 ho governu, hau uza kareta privadu ho, agora hau iha PN hau uza kareta privadu, dehan Assanami.

Prezidente PD nee informa nia  laos lakohi simu kareta governu, maibe se   iha Dili laran nee, bele  uza  kareta rasik hodi ba  servisu.

Assanami mos hanoin katak deputadu no membru governu sira la presiza iha eskoltu.

Hau husu ukun ho se deit, no se ami hatama kompromisiu, se mak aseita kareta govenru laiha, no sei uza kareta privadu ba servisu, afirma Assanami.

Nia hatutan nuudar deputadu presiza  kareta atu halao servisu, maibe kareta  governu  neebe  uza ba foho hodi halo fiskalizasaun, karik presiza duni atu ba foho.

se ba foho telefone  kondutor, lori kareta mai, hau atu ba foho, kareta nee fila husi foho, entrega fila fali, tenik Assanami.

PD  katak Assanami sei la bolu suaselensia, kuandu PD ba ukun, sei la bolu ema ruma Sua Exelensia, maibe bolu deit  PM.

Eis Ministru Agrukultura I Peskas nee dehan, tinan 20 ona  hasoru  susar, maibe tinan 20 ona,  tenke hola kareta ruma para sae.

Hau mak lakohi simu kareta,  mas kareta nee fahe ona ba bankada prosesu entrega nee mak naruk tiha, kareta para iha PN, hau nunka uza, hau uza hau nian hodi ba servisu iha PN, argumenta Assanami.

Antes nee, Sekretaria Jeral Parlamenu Nasional, Cedelizia Faria dos Santos hatete,  iha deputadu nain rua mak entrega sira nian viatura,  Deputadu Mariano Assanami Sabino husi  Bankada PD no Deputadu Antonio Verdial de Sousa husi Bankada  KHUNTO.

Deputadu Assanami entrega kareta ba PN la husu troka, maibe  Deputadu Verdial husu  troka.

Kareta mos entrega ona mai ami, viatura nee ami simu hotu ona, iha karta nee dehan katak, uluk sai ona ba membru governu, no iha responsabilidade ba nia aan rasik atu fo fali kareta ba estadu,”tenik Cedelizia.

Nia dehan, Deputadu Mariano Assanami Sabino husi Bankada PD  mak entrega no la husu troka, maibe  halo operasaun ba Komisaun nian.

Jornalista koko konfirma asuntu nee ba Deputadu Antonio Verdial de Sousa husi Bankada KHUNTO, maibe nia lakohi fo komentariu. Rep : Jeniche da Costa

Komentariu

Facebook Comments

Leave a Reply

Your email address will not be published. Required fields are marked *