Paska Momentum Importante Ba Ema Fiar Nain

Paska Momentum Importante Ba Ema Fiar Nain

- in Distritu
209
0
Pacoa

MALIANA-Sarani rihun ba rihun partisipa misa paskoa iha Igreja Katedral Sagrado Kurasaun de Maliana, Domingu (16/4/2017). Misa diriji husi Bispo Diocese Maliana, Mgr. Norberto do Amaral no akompania Padre Paroquia Santa Cruz Maliana, Pe. Valerio Gusmão Lesu.

Iha ninia omilia, Mgr. Norberto do Amaral hatete, Domingo paskoa, loron ikus semana santa nian. Durante semana santa sarani katolika universal iha mundo tomak hanoin hikas Jesus nia mate iha cruz no moris hias husi mate, hodi salva ema hotu nia sala.

Paskoa nudar momentum neebe importante tebes ba ema fiar nain sira.

Paskoa momentun ida importante, moris tempo susar nia laran, depois hakat ba fase transformasaun hodi haksolok, depois liu tia loron tolu,” Mgr. Norberto hatete.

Paskoa ninia signifika, sarani hotu moris iha sala nia laran, maibe buka haka’as an, hodi transforma ninia an tuir Nai Jesus, atu prepara an ba moris aban bainrua nian. Moris ohin loron ho riku oi-oin la importante, maibe prepara an ba futuru, liu husi konfesa ninia sala, badinas ba misa, buka hametin unidade, mak faktor importante moris loron ikus nian.

Iha misa paskoa nee, Bispu Norberto hatoo ninia mensajen Paskoa ba autoridade governo nasional, presidente autoridade municipais, autoridade militar, civil no familia tomak iha teritorio Timor Leste, atu hametin unidate, pas no dame, hodi garnte desenvolmento ba komunidade Timor Leste.

Padre Paroqu Santa Cruz Maliana, Pe Valerio Gusmão Lesu. Pr mos hato’o agredese ba autoridade militar no civil sira mak fo nia kontribusaun hodi fo suksesu atividade igerja nian hahu misa Quarta Sinzas, Domingo Ramos, to’o Domingo Paskoa.

“Hahu Quarta sinzas, loron dahuluk tempo paskoa nian, to’o loron Domingo Paskoa aktividade hotu lao normal. Ita nia situasaun lao kontroladu,” Pe Valerio hatete. João Mau Leto

Facebook Comments

Leave a Reply

Your email address will not be published. Required fields are marked *