Pasiente Lalika Preokupa Ai-Moruk Vitamina

Pasiente Lalika Preokupa Ai-Moruk Vitamina

- in Metro
1206
0
aimoruk

DILI-Pasinete sira neebe baixa iha Hospitan Nasional Guido Valadares (HNGV) lalika preokupa ho aimoruk vitamin tanba, vitamia bele hetan husi ai fuan tasak sira.

Informasaun nee fo sai husi Director Apoiu Diagnostika no Terapeutika Hospital Nasional Guido Valadares, Nivio Sarmento, ba STL iha nia servisu fatin HNGV-Bidau Kuarta (14/06/2017).

Ai-moruk vitamina nee laiha mos pasiente bele moris hela, tanba bele hetan vitamin husi han hudi tasak, aidila tasak, no aifuan seluk tan neebe iha vitamin inklui mos ikan, naan,” esplika Nivio.

Nia hatutan, dala barak familia pasiente balu halo protesta kuandu aimoruk vitamin laiha maibe, nee laiha problema tanba, bele hetan vitamin liu husi konsumu aifuan.

Ai-moruk Vitamina sira nee tuir lista,ai-moruk item nesesariu nian,nee atu iha ou laiha mos pasiente nee moris hela,la afeita ba pasiente nia vida,” hateten Nivio.

Iha fatin hanesan Director Klinika Hospital Nasional Guido Valadares, Flavio  Brandao mos esplika katak, ema moras sira labele depende deit ba ai-moruk vitamina, tanba vitamina la fo inpaktu ba ema nia saude.

Hau hakarak dehan deit ba pasiente no ita hotu katak, labele depende deit ba ai-moruk vitamina, tanba ita nia vitamina neebe kualidade liu mos iha mak liu husi han ai fuan tasak sira hanesan hudi tasak, aidila tasak nee mos vitamina hotu,” dehan Flavio.

Entertantu pasiente, Eduardo da Silva mos hatete, aimoruk vitamin mos importante ba ema nia saude. Izemplu ema neebe han la diak depois hemu aimoruk vitamin nia bele han diak fila fali.

“Ita la hemu ai-moruk vitamina nee mos hau hanoin diak, tanba loron ita konsume ita nia ai-fuan tasak hanesan hudi no aidila tasak, no seluk tan, ida nee mos vitamina ona,”afirma Eduardo. Jeniche da Costa  

Facebook Comments

Leave a Reply

Your email address will not be published. Required fields are marked *