Partisipasaun Feto Iha Vida Emprejarial Kontinua Aumenta

Partisipasaun Feto Iha Vida Emprejarial Kontinua Aumenta

- in Economics
142
0
untl-seminar

DILI-Partisipasaun feto sira nian iha vida Negosiu no vida emprejarial, kontinua aumenta ba bebeik, tanba feto maluk barak maka iha Bontade servisu, hodi hadia sira nia ekonomia rasik, liu-liu hadia sira nia vida moris no apoiu mos sira nia kaben hodi fo moris diak ba sira nia familia.

Kestaun nee fo sai husi Prezidente Asosiasaun Emprezarial das Mulheres Timor Leste (AMTL), Hergui Luina Fernandes Alves ba STL, Segunda (15/10/2018) iha nia knar fatin Akait Dili.

Ita haree dadus neebe iha hatudu katak, feto neebe maka rezistu iha server nee, kuaze 30% husi feto sira maibe atu dehan deit katak, feto barak maka hola parte iha mikro ida nee la rezistu tanba nee AMTL halo hela baze de dadus ida, atu nunee bele sai hanesan refrensia ou sasukat partesipasaun feto nian iha atividade ekonomia nomos vida emprejariak,”informa Prezidente AMTL.

Nia mos afirma liu tan katak, tuir AMTL nia haree katak, feto maluk balun too oras nee sei infrenta hela problema oin oin, tanba nee AMTL sei liga ho maluk sira, iha Munisipiu sira, hodi nunee bele identifika maluk sira neebe maka presiza duni apoiu, no oinsa atu inspira sira bele atu bele mai iha nivel nasional, hodi kapasita sira nia aan, hafoin fila ba munisipiu.

Iha fatin hanesan Feto Emprejarial, Kethleen Goncalves mos hatutan, partesipasaun feto sira nian iha vida negosiu no vida emprejariu iha numeru neebe aumenta ba bebeik, laos iha area rua nee deit maibe partesipasaun feto sira nian iha vida politik mos barak tebes, hanesan iha Parlamentu Nasional, Forma governu no balun lidera asosiasaun sira nee. Informasaun kompletu iha STL Jornal, edisaun Tersa (16/10/2018). Madalena Horta

Facebook Comments

Leave a Reply

Your email address will not be published. Required fields are marked *