Partisipasaun Feto Emprezarial Ba Dezenvolvimentu Importante

Partisipasaun Feto Emprezarial Ba Dezenvolvimentu Importante

- in Economics
830
0
13159977_bYJzN

DILI – Partisipasaun no kontribusaun feto emprejarial nian ba Dezenvolvimentu neebe lao iha rai laran nee importante tebes, maske seidauk 100% maibe hahu lao dadauk ona hodi hatudu katak feto mos bele kompete iha area emprejarial nian.

Kestaun nee fo sai husi Prezidente Asosiasaun Emprejarial Mulher de Timor Leste (AEMTL), Hurgui Luina Fernandes Alves ba STL, Segunda (11/09/2017) iha Hotel Plaza Bairo Formoza.

Ita haree Partisipasaun feto emprejarial nian ba dezenvolvimentu, neebe lao iha rai laran nee diak tebes, no maske seidauk too 100%, tanba ita sei hasoru hela problema ida maka, feto emprejarial barak maka sei lao mesak, maibe AEMTL buka nafatin dalan atu konsentra hamutuk feto sira bele hamutuk, fo ideias ba malu hodi kontribui ba ita nia dezenvolvimentu rai laran liu husi skill neebe maka feto sira,”informa nia.

Nia mos informa tan katak, feto barak maka seidauk hola parte masimu iha AEMTL nee, tanba problema uma laran, feto balun iha kreatividade atu halo buat ruma maibe sira nia uma laran la autoriza sira, maibe AEMTL hanesan mahon ba feto emprejarial iha rai laran, nafatin halo esforsu atu nunee bele dada feto sira neebe iha talentu ona.

Iha fatin hanesan Fundador AEMTL, Kathleen Goncavel hateten, AEMTL hanesan mahon ida ba feto emprejarial iha TL, no AEMTL identifika ona dezafiu neebe feto sira hasoru iha baze. Tanba feto emprejarial sira tenke hamutuk hodi fo kontribuisaun ba dezenvolvimentu neebe lao ona iha rai laran.

“Hau bele dehan too agora kontribusaun feto emprejarial sira nian ba, dezenvolvimentu neebe lao iha rai laran nee sei kiik, tanba feto sira neebe haknaar hanesan emprejariu nee seidauk hamutuk, tanba nee kontribusaun sei kiik, maibe iha feto balun servisu hodi suporta fila fali sira nia uma laran,”informa nia.

Nunee mos eis Deputada Jacinta Pereira hateten, Partisipasaun no kontribusaun feto sira nia ba dezenvolvimentu rai laran nee boot tebes, no feto sira mos hatudu dadauk ona sira nia kapasidade katak feto mos bele halo buat ruma no la depende ba mane. Madalena Horta

Facebook Comments

Leave a Reply

Your email address will not be published. Required fields are marked *