Partisipa Setor Privadu iha  Ekonomia

Partisipa Setor Privadu iha  Ekonomia

- in Economics
16
0
download

DILI-Ekonomia rai laran atu lao diak, presiza partisipasaun masimu husi setor privadu sira, tanba TL ho populasaun 1.2 labele oferese setor publiku hanesan kampu traballu, maibe ekonomia nasaun nian buras tenke dudu setor privadu.

Kestaun nee fo sai husi Reprezentante Ministeiru Turismu Comersiu Industria (MTCI), atual Asesor Prinsipal, Jacinto Rigoberto ba jornalista Sesta (29/11/2019) oja Akait.

Nia hatutan ekonomia TL atu lao ba oin, governu ho setor privadu sira tenke iha komunikasaun neebe diak ba malu, no koordenasaun neebe diak hodi haree hamutuk lakunas saida maka impede dezenvolvimentu iha setor privadu.

Tenke rekonese katak, durante nee setor privadu sira hakas aan buat hotu lao diak, maibe presiza mos governu nia tulun atu enkoraza malu nunee atividade setor privadu bele lao diak.

Nia afirma tan katak, governu apresia tebes komitmentu setor privadu sira, maske durante nee sira hasoru dezafiu oin oin, maibe sira nafatin halo esforsu hodi dudu ekonomia iha pais ida nee lao ba oin, maske situasaun neebe sira hasoru durante nee defisil tebes maibe ho esforsu neebe sira iha konsege ultrapasa tiha problema sira nee, maske too agora sei hasoru hela problema oin oin.

Hau hanoin setor privadu hanesan parseiru governu nian, tanba nee setor privadu sira tenke forte, tanba osan neebe aloka ba iha governu laos governu maka ezekuta, maibe ita nia setor privadu sira maka ezekuta, liu husi projetu neebe maka iha, tanba nee governu ho setor privadu tenke metin diak liu tan, atu nunee bele dudu ekonomia rai laran ba oin, dehan nia.

 Iha fatin hanesan Prezidente Camara Comersiu Industria TL (CCI-TL), Oscar Lima dehan mensajen Prezidente Republika nian neebe fo sai iha loron 28 Novembru nee diak tebes, tanba  husu ba governu atu halo nafatin dialogu ho setor privadu sira hodi dudu ekonomia rai laran ba oin.

Nee mensajen murak tebes husi aman Nasaun nian, dehan Oscar.

Hanesan setor privadu katak Oscar, prontu atu halo dialogu nafatin ho governu, tanba sira hotu nia hakarak maka povu iha rai ida nee bele moris diak, tanba nee setor privadu sei la lao mesak, no governu mos sei la lao mesak, hotu hotu tenke hamutuk hodi hadia rai ida nee ba oin.

Nunee mos Ekonomista Joao Goncalves dehan, Dezenvolvimentu ekonomia iha rai ida  atu lao diak, presiza tebes kooperasaun diak entre governu no setor privadu rai laran,  tanba durante tinan hirak nia laran,  setor privadu sira hasoru problema barak, maibe sira nunka hatudu sira nia halerik sira nee ba ema  hotu,  tanba nee ba oin governu tenke koopera nafatin ho setor privadu, nuudar ai rin ba prosesu dezenvolvimentu ekonomia  iha rai laran. Madalena Horta

Komentariu

Facebook Comments

Leave a Reply

Your email address will not be published. Required fields are marked *