Partidu FM Fo Pose Estrutura Bazartete

Partidu FM Fo Pose Estrutura Bazartete

- in Politics
484
0
index

BAZARTETE – Partidu Frente Mudansa (FM) iha loron Domingo Lokraik (18/6/2017) ofisialmente fo Tomada depose ba Estrutura Partidu nian iha Suku Fatumasi kompostu husi Aldeia Bazartete, Metir, Durubasa no Legimea, Postu Administrativu Bazartete, Munisipiu Liquica.

Serimonia tomada depose nee hahu ho simu Bainaka husi uma nain Suku Fatu Masi, hanesan Tara tais ba Sekretario Jeral Partidu Frente Mudansa, Ricardo Cardozo Nheu, kaer liman ho ninia estrutura sira neebe pronto ona atu simu tomada depose.

Antes hahu Tomada de Pose, Koordenador Partidu Fente Mudansa Suku Fatu Masi, Agusto Sequera liu husi ninia deskursu hatoo Benvindo ba Sekretariu Jeral Partidu Frente mudansa ho ninia estrutura nasional neebe mai fo Pose ba estrutura Suku Fatu Masi hamutuk ema 60 iha, Postu Administrativa Bazartete, Munisipiu Liquica.

Koordenador Partidu Frente Mudansa Munisipiu Liquica nomos hanesan membru komisaun nasional politika permanente e fundador partidu FM, Joao Alegria de Jesus aprezenta vizaun no misaun Partidu FM ba estrutura Suku Fatumasi aldeia 4 nee.

Ita nia partidu Frenti Mudansa mai husi Partidu abut frentista, neebe maka hakarak independensia, libertasaun patria, libertasaun povu. Kamarada sira neebe maka ohin loron mai iha nee, tinan 1975 halai ba ailaran, imi nia uma ema sunu, Riku Soin ema naok entaun ida nee maka bolu dehan frentista, tanba nee uma lulik Timor nia abut maka Fretilin, uma kaluluk maka Fretilin, maibe nia kuartu maka muda ba rua, iha tinan 2002, kuartu ida naran Frente Revolusionariu, ida fali naran Frenti Mudansa,”tenik nia.

Partidu Frenti Mudansa iha ninia vizaun no misaun hakarak povu nee moris diak, hakarak luta kontra buat sira neebe maka lalos, durante ukun nee.

Iha oportunidade nee, Sekretario Jeral Partidu Frente Mudansa, Ricardo Cardoso Nheu liu husi ninia deskursu sente kontente mai too iha Liquica, Postu Administrativa Bazartete, suku Fatumasi.

Hau ohin kontente mai too iha fatin ida nee, Liquisa hanesan Munisipiu ida neebe hakarak iha mudansa, tanba partidu FM hakarka proporsional, modernu, partidu ida neebe ema hotu aspira ninia talenta, no partidu ida neebe hau nian duni,”tenik nia.

Iha dutrina 4 neebe maka partidu FM opta maka hanesan defende buat ida neebe los, tanba nee 98% ema mesak resistensia, mauhu kuaze, 2% so maromak maka hatene.

Prinsipiu segundu maka Pensaun vitalisia Partidu FM la aseita, tanba ida nee la justu ba povu ida nee. Nunee mos kamarazen, ida nee laos koalia ibun tutun deit, maibe tenke aplika iha moris loron-loron nian, laos iha oin hemu serveza maibe iha kotuk neeba sira hemu deit bee foer. Prinsipiu dahat maka vida moris diak.

Sekretario Jeral Partidu FM liu husi kampane eleitoral dehan, kada tinan suku prioridade sei hetan beasiswa ema nain 20, no fungsionario publiku nia salariu sae 35%, maibe manajementu no disiplina tenke ketat. Sei aplika mos salariu minimu ba Setor Privadu sira, kada fulan tenke simu osan US$150.00 ba leten, tanba nee halo ona survey ba emprezario Timor oan tomak dehan katak sira sanggup selu osan hanesan nee.

sai lideransa labele dupla sidadaun, porizemplu sai ministru uza pasaporte Timor nian maibe remata kargu uza fali pasaporte estranjeru nian ba fali ema nia rai, tanba nee bain hira iha problema kona ba korupsaun, dupla nasaun neebe nia iha, halo nasaun seluk ameasa fali nasaun Timor tanba akuza ninia sidadaun, ida nee bale deit ba nivel altu liu maka bele dupla sidadania.

Tuir observasaun STL ba serimonia tomada de pose estrutura Suku Fatumasi, lidera diretamente husi Coordenador Partidu FM Liquica, Joao Alegria de Jesus, neebe lee komprimisiu de ondra ba Estruturau Suku Fatumasi, Postu Administrativa Bazartete, Munisipiu Liquica, akompania diretamente husi Sekretario Jeral Partidu Frenti Mudansa, Ricardo Cardoso Nheo ho estrutura nasional iha Bazartete. Serimonia Tomada de Pose nee remata ho Jantar hamutuk, konvivio e fahe malu. Joseph Koa

Facebook Comments

Leave a Reply

Your email address will not be published. Required fields are marked *