Partidu APMT Aprezenta Lista ba TR, Povu Labele Hili Partidu Konfrontativu

Partidu APMT Aprezenta Lista ba TR, Povu Labele Hili Partidu Konfrontativu

- in Politics
1104
0
Partidu

DILI—Partidu Assosiasaun Popular Munarqia Timorense (APMT) hato ona sira nia lista partidu ba iha Tribunal Rekursu (TR) hodi hetan aprovasaun atu bele tuir kampanha eleitoral ba elisaun parlamentar nian.

Lia fuan hirak nee hato husi Sekertariu Jeral APMT Manuel Fernandes ba STL iha sede APMT Hudi-Laran, Dili Kinta (01/06/2017). Nia hatutan liu tan katak, karik TR aprova ona maka partidu ida nee sei prontu atu tuir kampanha eleitoral iha loron 19 Juinhu mai. Tamba ami nia militantes no simpatijantes prontu atu servisu makas iha kampanha mai.

Partidu Monarqia nia hakarak maka atu halo mudansa iha estadu ida nee atu povu bele hetan benefisiu husi ukun rasik an tinan 15 ona. Tuir partidu nee nia hare katak troka xefe estadu, troka premeiru ministru ba mai maibe povu nee rasik sedauk sente mudansa nebe mosu iha estadu no governu ida nee.

Tamba lideres husi partidu politikus hotu hanoin deit maka ukun maibe nunka iha hanoin atu halo mudansa ba reinu nee rasik.  Realidade hare dadaun maka TL sei uja osan Amerikanu nian Dolar. Maibe tambas maka politika nain sira lahanoin atu produs nia osan rasik. Labele hanoin deit ba osan mai husi mina no gas depois osan iha lori ba rai iha Amerika neba.

Tamba nee maka partidu ida nee hakarak kaer metin fatuk ho ahi, uma ho ahi, krus ho aitos. Ida nee maka dignidade Timor nia rasik. Tambasa maka rai ida nee labele iha osan rasik. Maibe uluk iha portages nia tempu bele halo nia osan rasik maibe agora ukun an ona nusa maka labele. Tamba nee maka husu ba militantes sira atu luta hamutuk iha kampanha mai.

Ami ba hato ami nia lista partidu nia ba TR iha loron Kinta, 1 de Juinhu 2017 maibe karik TR aprova ona maka ami sei hamutuk ho ami nia militantes no simpatijantes sira hotu iha Timor tomak atu tama ba iha kampanha eleitoral nebe monu iha loron 19 Juinu mai. Maibe karik fo fiar ami kaer sefe estadu, parlamentu, no governu maka ami sei halo osan Timor nia rasik,”nia dehan.

Iha fatin nebe hanesan, Konselu Politika Nasional (KPN) partidu APMT Adelino Monteiro dehan mezmu partidu nee kiik maibe iha posibilidade no servisu makas atu luta hamutuk militantes no simpatijantes sira nebe ejiste iha Timor laran tomak. Atu hatutan informasaun no programa paridu ida nee ba iha kampanha nia laran.

Husi sorin seluk Sekertariu Jeral Konselu Nasional Juventude Timor Leste (KNJTL) Luis  Mendes Ribeiro hakarak husu ba partidu politiku sira hotu nudar ema Timor oan nebe uluk dehan liberta nasaun no povu. Nasaun maka liberta ona, agora presija partidu politiku hotu tenki luta makas hasoru mukit, kiak no beik.

Parte ida seluk maka husu ba partidus politikus hotu-hotu nebe sei involve an iha kampanha eleitoral ba elisaun parlamentu nasional nian mai agora tenki kontribui ba pas, estabilidades atu nunee povu hotu ba ejerse sira nia direitu ho liberdade iha elisaun. Tamba nee maka husu ba povu hotu atu labele fihir partidu konfrontativu ou hakarak buta problema iha kampanha.

Ami iha oportunidade ida nee hakarak husu ba paridu politikus hotu atu kontribui ba pas no hari estabilidade iha kampanha eleitoral no elisaun parlamentar. Tamba nee husu mos politikus nain sira tenki luta makas hasai povu husi kiak, mukit, no beik. Povu mos fihir partidu ho didiak labele hili fali partidu konfrontativu sira nebe nunka hanoin nasaun nee nia diak,”nia kualia.

Parte seluk KPN Adelino Monteiro dehan katak partidu nee ba rejistu iha TR no depois aprova ona husi trigunal neba entaun partidu nee prontu ona halao nia kampanha eleitoral ona. Maibe karik povu maka fo fiar partidu nee sei halo mudansa ba buat ruma iha estadu no ba povu ida nee.

Ami nia partidu agora dadaun sei hato lista partidu iha trigunal neba. Depois iha rejultadu ona maka sei hamutuk ho ami nia militantes sira sei involve an iha kampanha eleitoral nia laran. Tamba oras nee dadaun ami prepara ona,”nia tenik tuir tan.

  Konsolidasaun Iha Oe-Cusse

Partidu Assosiasaun Popular Monarqia Timorense (APMT) ba halao nia programa konsolidasaun partidu nian iha Enklave Oe-Cusse, ho objetivu atu hatutan no fahe informasaun no lori bandeira partidu nia ba militanntes no simpatijantes sira.

Nia haktuir tan katak, sira sai husi Dili hahu 01 Juinhu 2017 no sei hahu nia programa konsolidasaun partidu nian iha loron 2 Junhu 2017 iha Enklave Oe-cusse.

Parte seluk mos lori bandeira partidu entrega ba militantes no simpatijantes iha Oe-Cusse atu hari sede partidu nian atu bele prepara an ba kampanha eleitoral nebe besik ona. Tamba avon sira nebe mate ona konta hela liafuan ba nia oan no nia beoan sira ba partidu monarqia nee katak kultura maka tradisaun Timor nian rasik.

Ami sei hato ami nia konsolidasaun partidu nian iha Oe-Cusse ho objetivu atu fahe informasaun, no lori bandeira ba militantes no simpatijantes sira iha neba. Ami mos sei fahe informasaun konaba karik maka povu fo fiar ba ami kaer prezidente, guvernu no parlamentu maka ami sei halo osan Timor nian rasik,”nia dehan.

KPN APMT Adelino Monteiro dehan objetivu husi viajen ba Oe-Cusse nee atu lori hela bandeira partidu nian entrega ba militantes no simpatijantes iha munisipiu neba atu militantes bele dada iha sede partidu nian. Paridu nee mos sei esplika detailhu liu konaba paridu nee mai husi nebe no tambasa maka partidu nee ejiste.

Ami nia viajen nee ami nia paridu nee sei lori bandeia atu entrega ba militantes no simpatijantes partidu nian iha rai neba atu sira bele hatene katak partidu nee ejiste ona iha neba. Ami mos sei ba halo konsolidasaun partidu nian no fahe informasaun no programa partidu nian nebe atu realija iha kampanha nia laran,”nia kualia.

Militantes partidu husi Munisipiu Ainaro Alberto da Silva reforsa tan katak, partidu nee maka nudar hun ba iha lisan Timor nian rasik. Tamba nee maka programa partidu nian sei lori to ba Oe-Cusse neba. Ema nain 70 resin maka sei ba to iha neba ho objetivu atu fahe informasaun konaba partidu atu povu bele kumprende konaba partidu APMT iha munisipiu neba.

“Nudar militantes tenki servisu makas atu hato ba povu konaba ejestensia partidu nian, tamba nee maka ami nia viajen ba Oe-Cusse nee ema hamutuk 70 resin maka ba. Iha neba sei hatutan no fahe informasaun konaba partidu nia aktividades sira,”nia tenik tuir tan. Justinho Manuel

Facebook Comments

Leave a Reply

Your email address will not be published. Required fields are marked *