Papel Feto Importante Iha Familia

Papel Feto Importante Iha Familia

- in Metro
133
0
Dansa KBRI

DILI- Papel feto iha familia uma laran importante tebes, tanba feto mak sai edukador no jestor ba iha ninia familia uma laran.

Tuir Eis Primeira Dama Isabel Ferreira katak, papel feto importante, tanba feto mak sai edukador no jestor ba iha ninia familia uma laran. Bainhira feto ida halo ninia papel nee diak, hanesan inan diak, bele prepara nia oan sira diak. No nia oan sira bele partisipa sosiedade nomos iha kampu servisu nian.

Halo hanesan nee buat ida neebe mak fasil, oinsa mak sira atu preparadu ona, atu bele presta sira nian servisu iha fatin neebe deit. Labele fo ba nia ou tanba nia feto, no labele fo ba nia, tanba nia mai husi familia ida neebe mak importante. Tanba haree ba iha nee Prezidente ou ministru ida nia kaben maibe, tanba nia iha kapasidade rasik. Ntaun ida nee hanesan papel ida neebe mak importante ba inan hotu-hotu,”dehan Isabel ba jornalista iha edifisiu MEK, Vila-Verde, Tersa, (17/10/2017).

Nia sublina, papel feto mak atu prepara nia oan sira, hodi bele sai sidadaun neebe responsavel, sidadaun neebe mak prontu atu simu servi sosiedade no nasaun nomos ba mundu. Tanba nee papel feto nian iha familia uma laran importante tebes, oinsa mak atu bele eduka oan sira sai diak liu tan.

“Dala barak hau sempre koalia bebeik asuntu ida nee iha media, tanba nee, ita hotu tenke  tau importante  ba feto sira, tanba papel feto ninia iha familia uma laran nee importante, oinsa mak atu kontrola oan sira, no oinsa mak atu haree kaben ninia hahan, bainhira fila husi servisu,”dehan nia. JacintaSequeira

Facebook Comments

Leave a Reply

Your email address will not be published. Required fields are marked *