PAM Aprova Proposta Suku Kuluhun

PAM Aprova Proposta Suku Kuluhun

- in Metro
244
0
Autoridade Lokal

DILI – Komunidade Suku Kuluhun Postu Administrativu Cristo Rei, Munisipiu Dili hatoo proposta 5 ba iha Prezidenti Autoridade Munisipiu (PAM), maibe husi parte Munisipiu aprova proposta 1 deit.

Tuir Xefe Suku Kuluhun Dues Dado Martins katak proposta 5 maka hanesan dada bee mos, dalan ba komunidade nia uma, fatin lixu, komunidade kbiit laek, no rehablitasaun escola, maibe husi proposta 5 PAM aprova rehablitasaun escola deit tanba kondisaun eskola grave tebes.

Ami hatoo ona proposta lima ba iha Prezidenti Autoridade Munisipiu maibe sira aprova maka rehablitasaun escola Moi Kuluhun nian, ita hotu hatene katak escola Moi nee oras nee grave tebes, tanba odamatan sira mos att no janela mos lakon no rahun hotu,” katak Xefi Suku Kuluhun Dues Dado Martins ba STL Sesta (08/09/2017) iha sede Suku Kuluhun.

Nia hatutan kona ba montante orsamentu neebe maka halo ba projetu nee seidauk hatene, tanba agora sei iha hela prosesu nian laran, no ema neebe maka kaer osan maka PDAN depois maka hatoo montante ba iha suku depois maka bele asesu no hatene diak liu tan.

“Liu husi aprovasaun konaba osan neebe maka atu halo rehablitasaun ba escola nee rasik nian montante hira ami mos seidauk hatene maibe ami hatene maka aprova konaba escola nee deit, konaba montante nee sei iha hela prosesu nian laran no ema neebe maka kaer osan mai iha projeto nee so PDAN maka sei hatoo montante osan mai para it abele hatene maibe oras nee ami seidauk hatene nian montante lolos,” dehan Dues. Emerenciana Pinto

Facebook Comments

Leave a Reply

Your email address will not be published. Required fields are marked *