Osan Rihun 500 Jogus CPLP

Osan Rihun 500 Jogus CPLP

- in Politics
189
0
download (2)

Editor: Godinho Barros

DILI— Governu liu husi enkontru Konsellu Ministru aprova proposta deliberasaun kona ba autorizasaun orsamental ho valol U$ 511.250 ba organizasaun konferensia ministru Juventude no Desportu  ba  Jogu comunidade pais lingua portugues (CPLP).

Ministru Interinu Estadu Administrasaun Estatal, (MAE) Abilio Jose Caetano dehan, KM aprova mos orsamentu ba preparasaun jogu CPLP neebe Timor Leste realiza iha iha loron 12 fulan Junnu too 22 Jullu 2020.

Ita sei sai hanesan uma nain, organiza  jogu CPLP iha loron 12 fula Jullu ate  dia 21 jullu tinan ida nee, dehan Caetano ba Jornalista  iha Palasiu Governu hafoin remata enkontru, Kuarta (12/02/2020).

Enkuantu Jogu Desportiva CPLP, eventu nee multi desportivu  ba atleta sira ho idade 16 no mos reprezentante husi nasaun kumunidade Ligua Portugueza.

Iha fatin hanesan Ministra Edukasaun Juventude no Desportu, Dulce de Jesus Soares dehan Konsellu Ministru aprova orsamentu ba faze preparasaun jogu desportivu  CPLP mos ba konferensia ministru juventude CPLP.

Ohin aprova orsamentu ba faze prepasaraun hamutuk rihun 511 para kontinua halo infras estrutura neebe sei iha prosesu hela nunee mos preprasaun ba altleta sira no grupu sira neebe harame eventu  iha  abertura too  insera, dehan Dulce.

 Nia informa iha Nasaun haat hanesan  Portugal, Brazil São Tome Principe no Timor-Leste mak partisipa  modalidade hotu no  nasaun sira seluk sei tuir modalidade balun deit.

Ita partisipa iha modalidade hotu kedas, ita nia altleta neebe  atu partisipa hamutuk nain 90 nunee mos iha nasaun haat mak sei partisipa iha modalidade hotu, dehan Dulce.

Tuir nia katak oras nee  rezista ona  partisipante  500 resin mak sei partisipa  maibe husi 500 resin  seidauk inklui ho delegasuan no membru delegasaun sira,  no bele too iha   bele too 700 pesoas mak  sei partisipa iha jogu CPLP  nebe sei realiza iha Timor Leste.

Dulce konsidera eventu nee nia vantajen ba Timor Leste boot tebes, tanba primeira ves depois de Timor ukun rasik aan Timor Leste sai uma nain ba Jogu Desportivu CPLP.  Husi jogu nee ida nee hanesan opurtunidade atu promove TL nia kultura nia kultura no turismu ba nasaun CPL no mos, tanba Timor Leste mos iha kapasidade atu organiza Jogu Internasaional.

Nune mos Sekretariu Esatadu Juventude no Desportu (SEJD), Nelio Isak dehan dadauk tekniku sira esforsu serbisu makas hodi ezekuta preparasaun ba jogus CPLP,  bele lao ho diak. Kampu sira neebe atu utiliza ba jogus CPLP dadaun prosesu lao hela. “Ita mos husu ba konsellu ministru bele tau atensaun, liu liu atu prosesa lalais kontinuasaun estadiun Munisipal Dili, nunee bele utiliza ba jogus abertura no enseramentu,” dehan Nelio. Rep: Luciana Ximenes /ESTI 01

 

Komentariu

Facebook Comments

Leave a Reply

Your email address will not be published. Required fields are marked *