Osan Duodesimu Laos Selu Tusan

Osan Duodesimu Laos Selu Tusan

- in Economics, Nasional, Politics
560
0
download (43)

DILI­- Orsamentu dua desimu, laos atu uja ba selu projetu infransturtura,maibe atu selu deit ba funsionariu sira,hanesan F-FDTL,no PNTL.

Tuir Prezidente Fundador CCI-TL,Julio Alfaro, dehan, osan dua desimu nee,laos atu selu tusan projetu infransturtura,maibe dua desimu nee, uja para atu selu deit ba funsionariu,PNTL no F-FDTL,maibe atividades labele lao diak iha rai laran, tanba laiha osan,atu bele responde ba problema hirak nee.

Hau hanoin ita uja osan dua desimu nee,laos atu selu ba tusan projetu infransturtura,maibe nee uja deit atu selu ba funsionariu estadu nian,maibe ho dua desimu nee, ita labele halo despeza neebe boot, tanba ita atu ba sosa modo ruma mos tenke kontrola aan ona, tanba osan 2 desimu nee, jangan buat ida atu aguenta deit instituisaun governu nian, bele kontinua servisu,too hetan solusaun foun, dehan Julio ba jornalista iha nia hela fatin Fomentu Dili Tersa  (21/01/2020).

Iha sorin seluk, Reitor IOB, Augosto Soares, dehan, ho orsamentu jeral neebe la pasa iha PN,agora dadaun sei uja nafatin osan dua desimu,para bele selu makina estadu nian, maibe atu halo projetu boot ruma, labele, tanba laiha osan.

Ita sei uja nafatin osan dua desimu, hodi hein ba impase ida nee, tanba tinan hira nian laran ita iha inserteja nian laran,nee ita entrega ba nai ulun sira, para rezolve, hodi bele hakotu impase politika iha ita nian rai laran, dehan nia

Nunee mos, Prezidente CCI-TL,Oscar Lima, hatete, hanesan prezidente CCI-TL,sente triste, tanba rai ida nee labele moris, enkuandu laiha OJE,bainhira la pasa no veta iha PN,entaun sei uja nafatin osan dua desimu,maibe osan ida nee, so bele uja selu funsionariu sira, hodi halao servisu.

Ita sente triste, tanba rai ida nee, labele moris, enkuandu laiha OJE,bainhira osan la pasa no veta iha PN,entaun ita sei kontinua moris ho osan dua desimu, nee buat seluk paradu, neebe ita hein deit, fulan hira nian laran, ita moris ho osan dua desimu, hau hanoin nee komplikadu tebes mai ita hotu nian atividades iha rai laran, labele lao, tanba ita laiha osan,hodi halo atividades sira seluk, katak nia

Oscar sublina, buat hotu hein deit husi prezidente da republika, oinsa atu bele koalia no rezolve problema ida nee, hodi hakotu impase politika, neebe durante nee lori too tempu naruk,tanba laiha orsamentu,labele halo buat ida, governu sei lao ho osan dua desimu,nee minimu tebes,no defisil tebes. Jacinta Sequeira /Madalena Horta

Komentariu

Facebook Comments

Leave a Reply

Your email address will not be published. Required fields are marked *