Osan Boot Sosa Traktor Rai Bokur Abandona

Osan Boot Sosa Traktor Rai Bokur Abandona

- in Economics, Nasional
248
0
images (2)

Editor: Crisogono Magalhães

DILI-Uluk governu establese programa povu kuda governu sosa, no hasai osan Milliaun ba Milliaun hodi sosa trakator, hend tarktor maibe produsaun rai laran kontinua menus, produtu hotu hotu kontinua importa husi rai liur, problema nee akontese tanba failansu husi governante la orienta didiak povu iha baze.

Preokupasun nee hatoo husi Diretur kompania Tres Amore Paulino Hornay ba STL Kinta (19/03/2020) iha Armajen Perisos Fatuhada Dili.

Ita preokupa tanba governu hasai osan Milliaun ba Milliaun sosa ekipamentus hodi fasilita agirikultor sira atu halo toos ho natar, maibe tanba politika governu nian laiha, maka rai bokur barak abandona hela iha area remotas, dehan kompania nasional nee.

Tuir nia katak, TL rai ida nee kiik no rai bokur barak tebes maibe orientasaun  husi governu ladun iha, tanba nee toos ho natar hektares ba hektares sai abandona, rendimentu neebe TL hetan mai deit husi fundu mina nian.

Tanba nee governu  bain hira lao diak tenke, halo moris fali atividade agrikultur iha baze, ema hotu labele mai halimar deit iha sidede hodi depende ba importasaun husi rai liur, maibe tenke fila ba ida idak nia munisipiu hodi halo servisu hanesan agrikultur.

Hau hanoin produsaun rai laran menus, tanba governu fasilita povu liu husi osan veteranus, osan idozus, bolsa da mae no sira seluk, i dala ruma ita nia governu faila atu oriente didiak povu sai agrikultur neebe diak, governu faila tanba la organiza nasaun ida nee sai produtivu, lolos nee ukuan aan tinan 20 ona tempu atu dezenvolve produsaun rai laran, afirma nia.

Informasaun kompletu bele haree iha STL Jornal no Web STL Online, Edisaun Sesta (20/3/2020). Reportajen:Madalena Horta

Komentariu

Facebook Comments

Leave a Reply

Your email address will not be published. Required fields are marked *