Orsamentu SEKOOP Redus Tokon 3.212

Orsamentu SEKOOP Redus Tokon 3.212

- in Politics
37
0
download (17)

Editora: Carme Ximenes

DILI– Sekretariu Estadu Kooperativa (SEKOP), iha Orsamentu Jeral Estadu (OJE) 2020 prevee tokon $ 4.561 maibe redus ba  tokon $ 3.212.

Ho redusaun neebe Komite Revizaun Orsamentu Politika (KROP) halo afeita ba  transferensia publika, tanba proposta uluk iha tinan 2019, tokon $2.053 maibe agora hatun ba tokon $1.2.

Nunee mos ba iha kapital minor antes nee prevee rihun $160, maibe hatun ba rihun $78.

Ami nia planu  governu retira nee, tuir lolos kuatru pontu tres, maibe ami halo redusaun ba tres pontu dois, neebe mak ami simu pakote, depois ami halo ona ajustamentu, hau hanoin redusaun nee,  liu-liu ba iha transferensia  publika no kapital minor, maibe seluk nee la afeita, dehan  SEKoop Arsenio Perreira da Silva ba jornalista sira, iha edifisiu Kooperativa kafe Timor ,Comoro, Dili, Kuarta (08/01/2020).

Tanba tuir governante nee katak, orsamentu neebe aloka ba SEKoop nee iha kategoria hat deit mak hanesan kapital minor, transferensia publika, ben servisu,  no salariu vensimentu.

Nia dehan, iha mos programa balun, neebe halo kapasitasaun, ida nee politika governu ba dala 8 ninian, tanba Ministeriu no Sekretariu Estadu hotu-hotu tenke halo redusaun, pakote neebe mak mai, SEKoop  tenke aposta tuir ida nee.

Hau hanoin ladun afeita neebe siqnifikante, tanba sei iha nafatin kategoria transferensia publika, ben servisu, hau garante ba oin programa sira sei lao ba oin, tenik nia

Iha fatin hanesan Vise Preizente Mokatil, Munisipiu Liquica Manuel Almeida Ramos dehan, membru mokatil Timor Leste (TL), haree ba orsamentu jeral ba SEKoop,atu redus bele, maibe sira  programa  bele atinji ka lae.

Tuir ami membru mokatil Timor Leste (TL), nian orsamentu nee atu redus bele, maibe ami hanoin katak, orsamentu nee redus nee, ami nian programa sira nee bele atinji ka lae,hatete Manuel.

Maibe nia dehan, ida nee sai hanesan perguntas ba sira, tanba orsamentu neebe mak Sekretariu Estadu Kooperativu ninian nee,  membru mokatil hamutuk mak halo proposta ida nee.

Entretantu Prezidente Mokatil Munisipiu Manufahi, Domingos de Jesus hatete, iha redusaun ba orsamentu iha sekretariu estadu ida nee, sira hanesan toos nain,  la iha duvidas kona ba ida nee.

“Redusaun orsamentu  sekretariu estadu nian ita hanesan toos nain, ita la iha duvidas kona ba ida nee, tanba ita nia espriensia mak nudar toos nain, se laiha mos ita tenke halo,”dehan nia. Jacinta Sequeira/Madalena Horta

Komentariu

Facebook Comments

Leave a Reply

Your email address will not be published. Required fields are marked *