Orsamentu Limitadu Irigasaun Abandona

Orsamentu Limitadu Irigasaun Abandona

- in Nasional
29
0
19059694_10209284349210516_3245929714535434460_n-e1496993515678

DILI-Governu liu husi Ministeriu Agrikultura la hadia irigasaun neebe aat, tanba orsamentu neebe aloka ba iha Ministeriu Agrikultura ho montante  kiik,  tan nee la sufisiente atu halo mantensaun ba irigasaun.

Laos MAP la tau importansia ba irigasaun rai laran, maibe problema neebe MAP hasoru durante nee maka, orsamentu la sufisiente, tanba nee ami labele hadia hotu irigasaun neebe estabelese iha rai laran, liu liu irigasaun sira neebe aat, tanba limitasaun de orsamentu,dehan Diretur Nasional irigasaun, Martinho Laurindo Soares ba STL iha nia knaar fatin MAP Comoro.

Nia mos afitma liu tan katak, irigasaun sira nee barak liu maka depende ba bematan, tanba nee sira nia problema ladun dook,  hadia deit kanu iha bematn nian nee,  be bele ba ona,  maibe problema ida maka bain hira be maran, agrikultur sira labele halo ona natar.

No irigasaun balun sei tradisional tan nee udan mai mota boot maka sobu hela deit irigasaun sira nee, no governu tinan tinan sempre hadia hela deit iirigasaun sira nee, no atu hadia hotu irigasaun iha teritoriu maka presiza orsamentu neebe adekuadu.

Iha parte seluk Reprezentante povu iha uma fukun Parlamentu Nasional, Deputadu Antonio da Concesao hatutan, atu hasae produsaun rai laran, redus importsaun rai liur maka,  Governu tenke hadia irigasaun atu nunee bele fornese be povu nia tos ho natar,  karik irigasaun ladiak maka, oinsa atu garante kuantidade produsaun.

Orsamentu ba Ministeriu relevante tinan 2019 nian maka montante kiik,  maibe tinan ida nee alokasaun osan montante boot,  tanba nee husu atu fo importansia,  halo mantensaun ba irigasaun sira neebe maka aat ona,dehan Deputadu nee.

Deputadu nee mos afirma liu tan katak, governu halo hela esforsu atu hasae produsaun iha rai laran,  tanba nee atu alkansa metas sira nee maka,  tenke fo importansia atu hadia irigasaun,  liu liu halo mantensaun ba irigasaun sira neebe halo ona durante tinan barak.

Nunee mos Deputadu Jose Virgilio hatutan,  tinan ida nee governu tau osan boot ba iha,  Ministeriu agrikultura,  oinsa atu haree ba problema sira nee, no liu husi Oje 2019 nian,  Ministeriu labele halo buat ida, tanba orsamentu neebe aloka ba Ministeriu nee kiik tebes,  no tinan ida nee governu propoin osan boot ba Ministeriu,  tan nee bele rezolve problema irigasaun.Madalena Horta

 

Komentariu

Facebook Comments

Leave a Reply

Your email address will not be published. Required fields are marked *