Orsamentu La Sufisiente Ezekuta Edifisiu TS

Orsamentu La Sufisiente Ezekuta Edifisiu TS

- in Krime
131
0
tr

DILI- Previzaun atu harii uma edifisiu ba Tribunal Supremu (TS), laos foin dadaun nee, previjaun nee halao iha 2013, no preve tiha orsamentu ho dezenhu kompletu, no lansa konkursu hotu iha 2014, maibe empreza neebe kaer hareee ba orsamentu neebe iha la sufisiente atu ezekuta projetu refere.

Konkursu lao tiha, iha empreja ida mak manan konkursu nee, depois ita halo preve orsamentu depois orsamentu nee aprova la too, entaun sira labele ezekuta projeitu nee.  Iha tinan ida liu ba preve fali orsamentu atu buat nee bele lao, mas empreja mak iha hanoin ida katak labele lao, tanba sasan folin sae ona entaun empreja labele halao,” dehan Prezidente Tribunal Rekursu Deolindo Dos Santos ba Jornalista sira iha Caikoli, Tersa, (05/09/2017).

Nia sublinha, presija halo fali diskusaun ho governu, atu bele preve orsamentu sufisiente atu bele halao konstrusaun ba supremu tribunal nee. Maibe ida nee, konforme preparasaun tribunal nian atu preve orsamentu iha tinan 2018 nian.

Iha fatin seluk Direktor JSMP, Luis De Oliveira Sampaio hateten, atu harii tribunal supremu, planu husi tribunal rekursu rasik, no tau orsamentu atu koalia diretamente ho governu hodi haree ba kestaun nee.

Planu mai husi tribunal nian, tenke tau orsamentu no koalia diretamente ho governu ministeriu finansa, no kuandu diskusaun iha orsamentu nee, sira tenke ba hatan rasik.  Tanba ita presija osan ba ida nee, no tanba sa aumenta ho justifikasaun sira, bele dehan osan nee preve antes mas sasan folin sae presija aumenta tan,”esplika Luis.

Nia relata tan, presija estratejia komunikasaun no aproximasaun ho politiku sira, no kestaun substansial, no fiar katak uluk sira la lao agora sira iha vontade atu halo, maibe adia tiha tempu naruk tenke komunika ba malu. Terezinha De Deus

Facebook Comments

Leave a Reply

Your email address will not be published. Required fields are marked *