OPS & Autoridade Lokal, Presiza Sosializa nafatin Lei Arma Branka

OPS & Autoridade Lokal, Presiza Sosializa nafatin Lei Arma Branka

- in Metro
742
0
setp_halao_senseblizasaun_ba_komunidade_iha_uatolari_2

DILI-Membru Parlamentu Nasional (PN) husu ba Ofisial Polisia do Suku (OPS) ho autoridade lokal sosializa nafatin lei arma branka ba komunidade. Deputadu Cesar Valente husu, xefe suku, xefe aldeia sira no OPS kontinua sosializa lei nee.

Hau hanoin presiza halao patruillamentu rutina ba area neebe risku ba konflitu, para la bele husik sira ataka malu hodi halakon nia vida, tanba ida nee dever estadu nia atu fo seguransa ba ema kiik,” hateten Cesar, Kuarta (13/7/2017)

Se iha politiku balu iha sira nia kotuk, diak liu buka haketak tiha sira nia aan,  tanba halo politiku para fo moris ba ema hotu, liu liu joven sira halo politiku atu bele transfoma situasaun aat ba situasaun diak, halo politika para atu harii unidade nasional, e estabilidade nasional no dezenvovimentu nasional ba komunidade sira.

Hau hakarak hateten, iha  2006, joven sira rasik mak hasai liafuan dehan boot tuku tan kadeira ita kiik tuku malu hadau malu kaisaun tanba saida mak mak joven sira kontinua hadau malu kaisaun. Hau hakarak hateten, se tendensia politiku entaun sira nunka komprende problema nasaun ida nee nia nee primeiru. Segundu se provokasun entre grupu sira neebe proeidu tiha ona arte marsiais proeidi nee simu nafatin nia todan tanba ita hatene ona katak,  ita koalia kona ba lei arma branka, neebe iha 2017 de Abril nee koalia ona kona ba arte marsiais no arma branka,” dehan  nia

Iha tempu hanesan Komandante PNTL Eskuadra Laga, Duarte Soru dehan, komandu nafatin fo informasaun ba OPS nomos xefe Suku hodi sosiliza lei arma branka no arte marsiais ba komunidade.

 Hanesan komandante nafatin fo informasaun OPS no autoridade loka atu sosializa lei arma branka artigu 5/2017 nee ba ita nia komunidade hodi nunee ita nia komunidade sira intende ho lei,” dehan Durate.

Xefe Suku Madohi, Bernadino Cristo hateten, antes Suku Madohi hamrik, nia hanesan Prezidente KPK. Nia konsege implementa rezolusaun governu konaba lei arte marsiais. Kontinua ba lei artigu nuemru 5/2017 nian nee, Suku Madohi kada semana sosializa ba kada aldea para konsolida nafatin.

“Lei arma branka artigu nuemru 5/2017 nia nee, ami suku madohi konsolida nafatin kada semana tanba nee sai hanesan progma ami entaun kada aldeia ida idak ho nia estrutura hodi konsolida nafatin,” dehan Bernadino. Lucia Ximenes

 

Facebook Comments

Leave a Reply

Your email address will not be published. Required fields are marked *