ONU Konvida PR Partisipa Reuniaun Iha Nova Yorke

ONU Konvida PR Partisipa Reuniaun Iha Nova Yorke

- in Nasional
13
0
PR Lu OLo

DILI– Reprezentan ONU hasoru malu ho Prezidente Republika Francisco Guterres Lu Olo hodi konvida Xefi Estadu atu partisipa iha reuniaun neebe mak organiza husi ONU iha Nova yorke.

Wainhira Remata enkontru Coordenador Residente Das Nasaun Unidas Roy Trivedy dehan nia hasoru malu ho Prezidente Republika Francisco Guterres Lu Olo atu imforma ba Xefi Estadu hodi imforma konaba reuniaun neebe mak halao iha Nova Yorke no konvida mos aman nasaun atu partisipa.

“Hau hasoru ho ekselente Prezidente Republika ami koalia konaba reuniaun iha nova yorke tinan nee iha fulan setembru ho nivel altu sira husi onu nomos ho partisipante importante ba ONu nia iha tinan nee no iha reuniaun nee premeiru koaolia konaba mudansa klimatika no segundu reuniaun konaba finanseiru para dezenvolvimentu terseiru reuniaun konaba saude nomos situasaun mundu nunee mos kuartu reuniaun konaba ODS” katak Coordenador Residente Das Nasaun Unidas Roy Trivedy ba jornalista sira iha Palacio Prezidensial Bairo Pite Tersa (03/09/2019).

Coordenador Residente Das Nasaun Unidas dehan reuniaun nee iha assuntu importante haat nee organiza husi nasaun unidas ONU halao iha fulan setembru nia laran partisipante neebe mak partisipa iha eventu importante nee husi nivel altu sira husi nasaun oin-oin mak partisipa iha reuniaun nee.

koalia mos konaba progresu husi ONU nia nomos husi kada mundu nomos nasaun sira neebe mak partisipa reuniaun nee sei imforma sira nia progresu neebe mak atinzi nomos dezafio sira neebe mak oras nee sei hasoru iha area sira neebe mak sei presiza tulun ou suporta iha futuru oin mai.

“Ohin hau koalia ho Prezidente Republika Francisco Guterres Lu Olo konaba reuniaun nee nomos konvida reprezenta husi Timor Leste atu partisipa iha reuniaun neebe mak halao iha fulan setembru nia laran” katak nia.

Nia Nasaun neebe mak partisipa iha eventu nee hamutuk 64 nasaun husi nivel altu mak sei partisipa tamba nee mak timor leste mos tenke reprezenta nia nivel altu partisipa no Serimonia nee sei halao iha loron 23 ate 30 setembru iha Nova Yorke.

Prezidente Republika Francisco Guterres Lu Olo dehan nia kontente bele hasoru malu reprezentante ONU nia hodi koalia konaba reuniaun neebe mak haat hodi koalia konaba assuntu haat nee importante.

prezidente republika Francisco guterres lu olo dehan nia prontu nomos iha komitmentu no iha motivasaun no fo importansia atu partisipa iha reuniaun nee tamba timor leste foin goja 20 anos referedum tamba nee mak xefi estadu prontu atu partisipa maibe defende mos husi parlamentu nasional se wainhira parlamentu nasional konsidera reuniaun nee importante fo autorizasaun xefi estadu sei partisipa iha eventu nee rasik.

Tuir observsaun neebe mak STL hetan iha Palacio Prezidensial Bairo Pite wainhira prezidente remata enkontru ho Coordenador Residente Das Nasaun Unidas Roy Trivedy  kontinua intervista ho dewan solidaritas Pemuda Timor Leste. Emerenciana pinto

 

Komentariu

Facebook Comments

Leave a Reply

Your email address will not be published. Required fields are marked *