OJE  La Pasa Iha PN Difikulta  CFJJ  Ba Kursu Dahitu Nian

OJE  La Pasa Iha PN Difikulta  CFJJ  Ba Kursu Dahitu Nian

- in Politics
175
0
download (3)

DILI- Konsellu Jeral Sentru formasaun juridiku judisiariu, realiza enkontru Ministru Justisa kona-ba aprovasaun planu annual sentru formasaun juridiku judisiariu nian ba kursu dahitu nian.

Tuir Ministru Justisa Manuel Cárceres  katak, tuir lolos Ministeriu Justisa realiza ona inskrisaun ba formandu sira, maibe labele realiza tanba difikulta husi aprovasaun orsamentu jerall estadu 2020, neebe sumba iha Parlamentu Nasional.

Tuir lolos sentru formasaun nee halo ona ba kursu ingress ou kursu formasaun ba ita nia formandu 45, mak hanesan juiz 15, prokurador 15, defensor publiku 15 ba iha setimu kursu formasaun ba majistradu no Advogadu privadu sira, maibe tenki ser pendenti lai, mesmu programa nee aprovadu ona maibe sei hein OJE 2020 nian, dehan Manuel Cárceres ba Jornalista sira iha nia knaar fatin Colmera,Dili, Segunda (17/02/2020).

Nia hatutan, atividade balun neebe konsege realiza mak formasaun lingua portugues, formasaun ba terras propriedades, rejistu notariadu.

Atividade sira kona-ba formasaun ba lingua portuguesa nee lao nafatin, no atividade seluk hanesan formasaun ba terras no propriedades, rejistu notariadu no aplikasaun lei sira nee lao nafatin, tanba formador sira iha kedas ona, tenik MJ

Nunee,  dotasaun orsamental fulan fevereiru iha ambitu rejime duodesimal, ho montante USD tokon (116.449) neebe fahe ba kategoria haat mak hanesan salariu no vensimentu total USD 17.852.076, bens no servisu total USD 38.614.980, transferensia publika total USD 26.591.048, no kapitapital Dezenvolvimentu total USD 33.390.953.

Enkuantu orsamentu Duodesimu tinan 2020 fulan Fevereiru neebe aloka ba Ministeriu Justisa total USD 1.000.000 Miliaun ital ba kategoria bens servisu, salariu no vensimentu.

Iha fatin ketak, Akademika UNTL Joao Martins dehan, presija sentru formasaun produs tan rekursu humanus ba iha area justisa.

Hanoin tuir lolos produs tan rekursu humanus ba iha area justisa, maibe se agora orsamentu la iha, ida nee mos sai hanesan kestaun boot ida,  dehan Nia.

Akademika nee, enkoraja atu iha tempu badak ukun nain sira, bele buka solusaun ba iha empase politika nee, atu bele hare ba povu nia moris. * Reportajen : Terezinha De Deus

 

Komentariu

Facebook Comments

Leave a Reply

Your email address will not be published. Required fields are marked *