OJE Atraza, Duo Desimu Asegura

OJE Atraza, Duo Desimu Asegura

- in Politics
109
0
download (26)

DILI-Bainhira Orsamentu Jeral Estadu (OJE) 2020 seidauk aprova ou atraza, governu sei iha duo desimu para asegura makina estadu.

Proposta Orsamentu Jeral Estadu (OJE)  2020 neebe ho montante biliaun $1,6688,  iha ona meja Prezidente Parlamentu Nasional hodi diskute.

Maibe atu funsiona makina estadu, governu presiza aplika rezime duo desimu, ba fulan Janeiru, Febreiru ou Marsu, para hein too orsamentu aprova.

Tuir Prezidente Republika Francisco Guterres Lú Olo katak,bainhira Parlamentu Nasional ho governu aprova ona OJE 2020, mak Xefe Estadu bele fo ninia opiniaun, maibe agora labele halo komentariu lai, tanba  orsamentu seidauk diskute.

Se kuandu atraza orsamentu, iha dou desimu para kontinua nafatin ou asegura makina estadu, soke Dezenvolvimentu realmente atraza, laos lalao maibe atraza, dehan Xefe Estadu ba jornalista sira, iha CCD, Dili, Sesta ( 20/12/2019)

Maski nunee aman nasaun nee dehan, bainhira Orsamentu Jeral Estadu 2020 aprova duo desimu taka ona, maibe  depende ba Parlamentu Nasional.

Hau la dehan dou desimu nee too iha Febreiru ka Marsu, maibe bainhira OJE aprova ona mak sei taka dou desimu nee rasik, aman nasaun nee salienta.

Iha fatin hanesan Veteranus Mariano Amaral Kodigu Asu Mabuk dehan, kona ba orsamentu neebe governu retira fila fali, tanba antes nee kada ministeriu orsamentu boot no ezekusaun lahotu, tanba nee  entrega fila fali ba kofre estadu, hatete Mariano.

Nunee mos Veteranus Alberto Gusmão husi Munisipiu Covalima dehan, kona ba orsamentu neebe mak redus fila fali la impaktu ba komunidade no la impaktu mos ba iha governu, tanba OJE 2019 montante  biliaun $1.3 maibe ezekuzaun la hotu.

Ida nee tuir ami veteranus nia haree mesmu redus, maibe laiha impaktu ba governu nomos ba iha komunidade dehan nia.

Entretantu oras nee Governu ofisial submete ona proposta lei orsamentu jeral estadu OJE 2020 foun ba Parlamentu Nasional pedidu karakter urjensia.

Hafoin halo revizaun proposta orsamentu foun konsege hetan redusaun ho montante biliaun $1,6688 hodi subtitui proposta anterior ho montante biliaun $ $1,950, neebe mak antes nee governu retira iha diskusaun jeneralidade, iha Parlamentu Nasional. Emerenciana Pinto

Komentariu

Facebook Comments

Leave a Reply

Your email address will not be published. Required fields are marked *