OJE 2020, Risku Fundu Petroliferu

OJE 2020, Risku Fundu Petroliferu

- in Economics, Politics
17
0
Taur+Matan+Ruak+Taur+Matan+Ruak+Visits+New+siLoaaaHfw1l

DILI–Primeiru Ministru (PM) Taur Matan Ruak, rekonese orsamentu Jeral Estadu (OJE) 2020 risku ba sustentabilidade Fundu Petroliferu, maibe aposta ba realizasaun investimentu estratejiku.

Nia dehan, governu submete ba diskusaun no aprovasaun husi Parlamentu  Nasional OJE  ba tinan 2020 ho despeza publika estimada  ho valor  biliaun $ 1.950.

Maski ambisioza no hasoru risku, proposta orsamentu neebe aprezenta daudaun nee tau mos konsiderasaun ba risku sira neebe liga ba proposta orsamentu nian, liuliu kona ba sustentabilidade Fundu Petroliu nian, dehan TMR bainhira debate OJE 2020, iha plenaria Parlamentu Nasional, Segunda (02/12/2019).

Taur argumenta tan katak,  baze no konsulta publiku ida klean, tuir Jornada orsamenta nian, neebe  realiza tuir ho kuadru legal neebe vigora no iha firme konviksaun katak kuadru legal ide nee sira (Governu) kumpre duni.

Nia hatete, governu hatene katak,  ba rikeza petrolifera neebe kalkula ba millaun $17,891,8, rendimentu sustentavel estimadu (RSE) sei korresponde ba millaun $536,8, besik millaun $7,8 boot liu kompara ho tinan 2019 nian.

Tanba tuir Xefe Governu katak, nee importante atu rekonese nesesidade, hodi kontinua aposta ba realizasaun investimentu estratejiku  sustentabilidade husi ekonomia no ba futuru nasaun nian,atu haforsa investimentu publiku neebe destina ba dezenvolvimentu lokal no determinante ba koezaun teritoriu, hadia kondisaun moris populasaun nian.

Nia dehan, motivasaun kom desizaun atu propoin ba Parlamentu Nasional, atu transfernitariu e husi Fundu petroliu ho total millaun $1,466,5, neebe reprezenta tranfensia ida ho total millaun $ 929, boot liu husi Rendimentu sustentavel Estimadu (RSE).

Ami fiar metin katak, labele ka lakohi taka matan ba nesesidade hirak neebe  mak sidadaun Timor Leste sente, tanba nee importante tebes no determinante ba susesu nasaun nian iha futuru, nia hatete.

Xefe Governu realsa tan katak,atu intensifika investimentu publiku  hodi hatan ba investimentu publiku baziku   loron loron sidadaun  sira mos sente, tantu iha nivel abitasaun, via komunikasaun, edukasaun no kualifikasaun husi jerasaun foun sira nian, asesu ba merkadu serbisu nian, iha dezenvolvimentu atividade  ekonomia, entre sira seluk tan.

Ami la taka matan ba preokupasaun sira neebe durante semana hirak ikus nee responsavel  politiku nasional barak no setor oioin husi ita nia sosiedade sivil hatoo kona ba valor husi transferensia husi Fundu petroliferu neebe Governu propoin atu realiza iha tinan fiskal, dehan Xefe Governu.

Taur dehan, kaer ukun nee ninia implikasaun mak foti desizaun hirak neebe kompleksa no difisil, neebe ninia transferensia mak sempre halao interese publiku  nian.

Nia hatete, governu respeita no saude hanoin hirak neebe personalidade barak, fo sai ona liu husi komunikasaun sosial  no rede sosial sira, no konsidera hanoin sira nee hanesan manifestasaun husi vitalidade husi demokrasia no opiniaun publiku.

Tanba nee Xefe Governu dehan, husi risku agravadu ba sustentabilidade Fundu petrolifeiru nian bele komprova mos husi faktu katak, valor husi transferensia neebe mak daudaun nee governu propoin ba Parlamentu nasional  ba tinan 2020 nian, kiik liu duke autorizasaun neebe presta ba tranferensia neebe mak realiza ona iha tinan 2016, ho diferensa besik dolar Amerikanu millaun atus rua ualu.

Karik sustentabilidade Fundu petrolifeiru nian laiha risku, laiha razaun ka rasional atu fiar katak, bele hamosu risku ho transferensia valor neebe hamutuk atus rua ualu, kiik liu kompara ho tinan 2016 nian, hatete PM TMR. Guilhermina Franco/ Lucia Ximenes

Komentariu

Facebook Comments

Leave a Reply

Your email address will not be published. Required fields are marked *