OJE 2020 Labele Espekula

OJE 2020 Labele Espekula

- in Economics, Politics
95
0
President-Taur-Matan-Ruak-1

DILI-Governu haruka ona proposta Orsamentu Jeral Estadu (OJE) tinan 2020 ho montante biliaun $ 1.950,  ba Parlamentu Nasional hodi halo diskusaun, tanba nee labele espekula.

Dehan Primeiru Ministru, Taur Matan Ruak ba jornalista sira, bainhira remata enkontru ho Prezidente Republika Francisco Guterres Lú Olo, Iha Palasiu Prezidente Bairru Pite, Dili, Kinta (21/11/2019)

Ami haruka ona proposta orsamentu ba Parlamentu Nasional, depois iha diskusaun mak haree, tanba hau lakoi espekula,hatete Xefe Governu.

Taur hatete, montante orsamentu nee governu haruka ba biliaun $ 1.950, neebe durante diskusaun mak bele hare, solusaun saida, alterasaun karik iha neebe, tanba saida, no area ida neebe mak presiza redus, ida nee diskusaun ikus iha Parlamentu Nasional.

Montante orsamentu nee ami haruka ba biliaun $ 1.950 neebe durante diskusaun mak bele hare, solusaun saida, alterasaun karik iha neebe, tanba saida, no area ida neebe, ida nee diskusaun ikus iha PN,dehan PM Taur.

Maibe tuir Xefe Governu katak, iha liur ema bele halo opiniaun barak, maibe diskusaun iha Parlamentu mak foin define, tanba governu halo konkorda ho deputadu sira atu aprezenta proposta redusaun orsamentu iha debate.

Orsamentu nee so iha Parlamentu mak bele diskute, iha liur nee ema iha opiniaun idak idak, maibe diskusaun lolos nee iha Parlamentu Nasional,hatete Xefe Governu.

Iha biban nee mos Taur hatete, Prezidente Republika Francisco Guterres Lú Olo  husu ba Parlamentu Nasional katak, orsamentu nee ba intrese nasional tanba nee presiza debate klean.

Nia dehan, karik redus ho hanoin neebe mak diak, atu nunee labele fo impaktu ba  prioridade sira neebe  importante.

Nunee mos Prezidente Parlamentu Nasional Arao Noe dehan, komisaun espesialidade konklui ona pareser no submete ona ba iha komisaun C.

Nia dehan,agora Parlamentu halo relatoriu  final komisaun C nian neebe iha mudansa kalendariu. Tuir lolos lolos hahu ona debate, maibe lider bankada sira muda fali ba  25 Novembru mak komesa debate.

Entretantu Koordenador Redi Observasaun Nasional Timor Leste Laurentino Alves hatutan, povu hein hela prosesu dezenvolvimentu, tanba nee liu husi OJE 2020 tenke diskute ho diak, nunee nia benefisiu ba duni povu nia moris. Emerenciana Pinto/ESTI 02

 

 

 

Komentariu

Facebook Comments

Leave a Reply

Your email address will not be published. Required fields are marked *