OJE 2020 Falla, Empreza Namlele

OJE 2020 Falla, Empreza Namlele

- in Economics
69
0
download (2)

DILI-Empreza iha rai laran preokupa los ho diferensia politika neebe mosu iha bloku AMP hodi fo impaktu ba debate Orsamentu Jeral Estadu (OJE) 2020.  Tanba  2020 falla, empreza sira sei namlele hotu.

Diretur Servisu da Rejistu e Verifikasaun Emprezarial, SERVE, Florencio Sanches dehan, retira OJE husi debate, bele fo impaktu ba dezenvolvimentu iha rai laran, tan nee husu ba lider sira  fo fuan neebe diak ba dezenvolvimentu nasaun liu husi debate OJE 2020.

Ita nia  emprezariu tuir dadus  Servisu da Rejistu e Verifikasaun Emprezarial (SERVE) hamutuk 260 Mill ital, no 100% maka  hetan ona lukru, tanba sira konsege aproveita orsamentu jeral do estadu tinan 2019. Kuandu OJE Falla, namlele kedas, dehan Florenco ba Jornalista bainhira partisipa iha Serimonia lansamentu  Programa Digital  Karteira Timor PAY (T-PAY) husi Telkomcel,  iha Timor Plaza, Kinta (05/12/2019).

Nia hatutan kompara ho ai-horis karik uluk sira namlaik, maibe liu husi OJE 2019, empreza sira nee  balun buras fali ona, maibe seidauk fo fuan, karik OJE 2020 nee hetan aprovasaun maka sei fo fuan diak. Maibe OJE 2020 maka  falla maka, empreze sira  nee sei namlaik fali no  hakidus ba kilo metro 10 ba kotuk.

Nia mos afirma katak, setor privadu barak maka durante nee namlaik no liu husi OJE  2019, sira foin atu buras fali, maibe OJE 2020 nee la falla maka setor privadu sei hakneak no susar tebes atu fo fali fuan iha tempu badak no presiza tempu  tinan 3 ka 4 maka nia foin fo fali fuan.

Hau hanoin OJE 2020 nee maka fallansu maka ninia impaktu ba setor privadu sira bele hakiduk ba kotuk kilometro 10, tanba ita tinan kotuk ita hasoru problema, no foin tinan 2019 nee atividade balun komesa lao diak fali, maibe hanesan ai ida karik, la fo fuan karik OJE 2020 maka falla, maka ekonomia rai laran sei la lao, no susar tebes atu ita sembuhkan fila fali, tan nee presiza tempu naruk, tan nee husu governu atu hanoin mos povu nia moris, dehan nia.

Nia  husu ba governu atu labele hamosu tan dou desimu iha tinan 2020, karik implementa dou desimu maka setor privadu sira sei mate, no presiza tempu naruk atu sir abele hamrik fila fali.

Iha parte seluk, Emprejariu Timor Oan, Fernando Maia dehan,  impase politik neebe akontese iha rai laran, halo setor privadu barak maka hakneak, loja balun taka, hapara ninia traballador sira, no foin atu hamrik hikas, governu halo fali ninia planu hodi dada fila fali proposta OJE 2020.

Hau hanoin lider sira labele hanoin deit ba sira nia aan, no sira nia politik neebe iha, maibe buka atu hanoin mos povu kiik nia moris, setor privadu barak sai bankrout tanba governu deve la selu, problema sira nee hotu, governu tenke tetu didiak bain hira atu hola desizaun ruma, no tenke haree didiak ninia ninfluensia ba povu nee oinsa, dehan Emprezariu Timor oan nee.

Tuir nia katak, tusan setor privadu nian barak iha governu, maske sira tun ona ba iha baze hodi halo verifikasaun, maibe liu husi orsamentu neebe aprova tinan tinan, halo deit pagamentu ba ema balu, no barak maka sei sai hela vitima.

Nunee mos Deputadu Fabiao hatutan, OJE 2020 boot kapasidade governu nian, tanba nee governu dada fila no sei aprezenta fali mai PN iha loron 13 fulan Dezembru, tanba nee fiak katak oje neebe boot sei la lori tan problema ba setor privadu sira. Madalena Horta

Komentariu

Facebook Comments

Leave a Reply

Your email address will not be published. Required fields are marked *