Oecusse Oan Sira Iha Dili, Labele Fiar Demais Ba Buatus

Oecusse Oan Sira Iha Dili, Labele Fiar Demais Ba Buatus

- in Distritu
1103
0
rotunda

AMBENO-Relasiona informasaun neebe mosu iha medsos katak, estudante Oecusse iha Dili laran paradu sira nia estudu, hetan ameasa, ligadu ho kazu konfrontasaun membru GAM iha Oecusse.

Autoridade RAEOA husu estudante Oecusse iha Dili, labele fiar demais ba buatus. I husu sira mantein kordenasaun, no labele involve ba problema hirak neebe akontese. Kestaun nee hatoo Xefe Suku Naimeco, Marcus Liu.

Ida nee lalos. Ema seluk nia problema, ita labele involve no halo ema hotu atu sai vitima. Diak liu, ida-idak halao knar. Nudar estudante tenke estudu, labele mete tun sae.  Estudante sira iha Dili lahatene saida mak akontese iha Oecusse,” hateten Marcos Liu.

Nia apela ba Oecusse oan sira iha Dili katak, atu liga problema ruma ho buat seluk,  persiza hatene ninia kronologia. Labele rona deit buat neebe ema koalia. Se maka halo problema, ida nee kestaun pesoal. I depois problema konfrontasaun entre membru GAM nee mos iha kestaun pesoal.

Relasiona ho kestaun nee, Subtitui PA RAEOA Arsenio Paixao Bano hateten, Komando  PNTL  Oecusse halo ona koordenasaun ba problema ida nee.

Iha semana kotuk hau halo ona enkontru ho PNTL Oecusse, i depois PNTL mos hatoo informasaun nee ba Komando Geral PNTL,” nia dehan.

Nia husu ba Oecusse oan sira iha Dili atu halo kordenasaun nafatin ho polisia no husu sira hadok aan husi problema hodi kria paz no hakbit estabilidade nasaun.

Responde problema nee, Adjuntu Segundo Komandante PNTL RAEOA, Superintendente Polisia, Paulino do Carmo Pereira hateten, informasaun nee mos too iha Oecusse. Maibe ate agora, parte seguransa iha Dili laran informa, seedauk mosu kazu ruma relasaun ho ameasa ba estudante Oecusse iha Dili laran. Infromasaun neebe mosu nee, buatus deit. Dalaruma iha pesoal balu mak halo buatus nee, mais ate agora, seidauk mosu problema ruma relasaun ho issue neebe mosu iha medsos nee. Abilio Elo Nini

 

Komentariu

Facebook Comments

Leave a Reply

Your email address will not be published. Required fields are marked *