Oecusse Modelu Dezenvolvimentu TL

Oecusse Modelu Dezenvolvimentu TL

- in Politics
111
0
PR

AMBENO – Presidenti da Republika Demokratiku de Timor Leste (RDTL), Fransisco Guteres Lu Olo konsidera Oecusse sai referensia istoriku ba povu no mos sai referensia ba modelu dezenvolvimentu nasional iha nasaun Timor Leste (TL).

Deklarasaun nee fo sai bainhira loke seremonia abertura ba expozisaun produtu lokal, Segunda (25/3/2019).

Tuir nia katak, povo Oecusse hatete nia an rasik no hakarak hetan liberdade no hakarak sai nain ba nain rain rasik hodi promove nafatin nia kultura uma lisan nudar Atoni Oecusse,

Rai Oecusse hori uluk kedas nia aprezenta ninia simbolaridades nia historia sosio-kultural ekonomika ida neebe ketak ida, hahu husi uluk kedas husi ita nia bei ala sira katak rai Oecusse hanesan rai ketan ida maibe hola parte mos ba rai timor leste ninia historia, maibe povo ida nee iha nia naran rasik, iha nia oin iha ninia uma no fatin ho ninia maneira lisan atu nia moris iha rai nee iha nia relasaun sosiais kulturais ba malu sempre metin hela nafatin i hatudu simbolaridades nee halo imi sai nafatin povo Oecusse ho ate ohin loron ho nia identidade ida forte teb-tebes I diak teb-tebes”. Hateten Lu-Olo

Xefe estadu nee esplika karateristika povo Oecusse nian hahu husi uluk too ukun rasik an, “Atu hateten katak povo ida kuando ninia proprio identidade rasik povo ida neebe iha nia klamar rasik para nia bele kondus ninia isin lolon rasik hodi hakarak ba too objetivu neebe nia hakarak, maibe nee hanesan fenomensaun ida neebe hori uluk kedas bainhira funu hahu ita nia lider sira bolu dehan katak Uluk Ami Atoni Oan sira atan ba bebeik I agora iha tempu liberdade ami atoni mos hakarak atu ukun rasik an,”. Esplika nia

Ho liafuan hirak nee hotu ita bele hatene katak nee povo Oecusse povo ida neebe hatene nia an katak nia halo parte timor leste nian I nia mos hakarak atu hetan liberdade hakarak atu hetan ukun rasik an par abele moris rasik iha nia uma nia hakarak nain rasik ba nia uma ho nia fatin, para atu temi nafatin nia rai nee nia naran, nia uma kain nia naran ninia ma lisan nia naran iha nia rain rasik.

Portantu ida nee halo parte povo Oecusse nian ikus tia fali too ukun an nee iha konseitu foun ida iha Oecusse nian, konseitu nee maka ho naran ZEESM neebe Dr. Mari Alkatiri hanesan autoridade iha nee nian, autoridade nee sentral husi guvernu sentral maka hodi hili Zona Oecusse nee sai hanesan Zona ida para atu implementa konseitu ida nee hodi halao dezenvolvimentu ba oin,

Oecusse hori uluk sai referensia historiku ba povo Timor leste nee tomak hau bele hateten katak estadu bainhira hili autoridade ida hodi tau iha nee hodi implementa konseitu ZEESM nian bele sai mos hanesan referensia ba dezenvolvimentu iha timor leste tomak katak Oecusse hahu dadauk atu bele hakat ba oin ho modelu dezenvolvimentu ida neebe en prinsipiu laos deit buka soin, buka riku buka osan maibe sura uluk atu hahi nia ema sira atu bele foti valoriza nia ema hanesan ema atu produs rasik hodi servisu atu bele iha kbiit rasik hodi bele dezenvolve nia rai Oecusse ba oin, atu sai hanesan ema lolos I nain nafatin ba nia rai ida Oecusse I rai timor leste tomak”. Nia afirma

Fatin ida nee maka konseitu ida ZEESM nian nee buka konseitu ida dehan katak atu buka deit hodi sai hanesan Zona Franku ida de dezenvolvimentu ekonomiku simplesmente ita buka atu hetan deit osan tan deit hanesan rikosoin para bele lao ba oin maibe Dr. Mari Alkatiri nia konseitu, “hau fiar katak laos mak ida nee hakarak atu lori Oecusse oan sira hanesan ema maka valor hanesan centru de atensaun ba Dr. Mari Alkatiri nia konseitu ZEESM nee.

Maka ohin loron iha tempu badak maibe ita hare katak Oecusse aprezenta nia karakteristika seluk ida hanoin foun ida neebe hatene interajen portantu nee sosio I kultura neebe antes ninian hamutuk ho modelu de dezenvolvimentu ida nee ita boot sira simu rasik atu lao ba oin”. Nia dehan

Ohin loron ita boot sira iha kondisaun neebe bele fo kbiit liu tan ba ita boot sira atu hanoin luan ona atu hanoin dook ona, atu hanoin dook ba rai enclave Oecusse nian neebe ita boot sira mak nain ba rai neesignifika katak bainhira ita hakarak atu halao dezenvolvimentu ida hanesan agora dadauk ita lao,  sei ita Oecusse hakarak atu sai modelu tenki hakat ba oin I husu deit mak hot-hotu pelu menus tenki hanoin katak saida mak ita hakarak halo iha Oecusse ninian I saida mak it abele lori transmiti nafatin ba iha maluk sira seluk”. Tenik nia

Liga ho asuntu ekonomia nian iha rejiaun Oecusse presdienti autoridade RAEOA- ZEESM TL Dr. Mari Alkatiri hateten katak bainhira kolia kona ba ekonomia sosio cultural tenki fo prioridade atu hakbiit povo kbiit laek sira vida

“Objetivu husi ekonomia social kultura ninian hahu husi atu hakbiit povo kbiit laek ninia kualidade de vida tamba nee sei ita hare ba expo nee, bele dehan expo nee laiha signifikadu karik buat kiik ida maibe bainhira ita kolia ekonomia social ita tenki fo prioridade atu hakbiit povo kbiit laek sira nia kualidade de vida, tamba nee orientasaun hahu kedas iha 2016, 2017 investe barak liu ba povo kbiit laek atu bele hadia ninia produsaun rasik atu aumenta produktividade ho produsaun atu kompete iha merkadu tamba nee ekonomia social do merkadu,”afirma nia.

Rezultadu furak tebes mak exemplo rua, ida mak Bisnis incubator de negosiu hahu iha nee hanesan eskola pratika ida tun ba kraik hare grupu da populasaun sira balu servisu lor-loron atu halo buat ruma ba nia moris maibe hadia mak ekonomia ZEESM simples hadia tan sira nia kualidade sira nia produtu no aumenta produktividade, Bisnis incubator iha nee nia rezultadu komesa iha ona, ida fali mak iha  agrikultura ho teknika avansadu itoan ho simenti local nafatin konsege ona iha agrikultura experimental ba fos ba kuda hare ba aumenta produsaun husi 3.5 por hectares ba 8.3 por hectares signifika aumenta dalarua.

Nee hau fo exemplo 2 deit I lakleur tan sei halo lansamentu ba planu estratejiku dezenvolvimentu I dezenvolvimentu Oecusse nian, servisu sira nee hotu tamba autoridade servisu hamutuk ho UNDP I buka hela akapta apoiu husi instituisaun seluktan.  Tamba nee maka tuir programa dezenvolvimentu Oecusse ninian hahu ho infraestruturas bazikas maibe lahaluha too sector agrikultura, edukasaun, saude I ba ekonomia rejional.

Entretantu hola parte iha expozisaun nee husi grupu agrikultores 14 no produtus neebe aprezenta iha salaun parokia numbei mak hanesan produtu soru tais, human, produtus aihan ikan, manu no fahi no produtu seluktan neebe original husi Oecusse nian. Abilio Elo Nini

Komentariu

Facebook Comments

Leave a Reply

Your email address will not be published. Required fields are marked *