Obrigatoriu ES Uza Lian Ofisial, MESSK  Uza Politika Rigorozu

Obrigatoriu ES Uza Lian Ofisial, MESSK  Uza Politika Rigorozu

- in Economics
439
0
MESSK

DILI-Ensinu Superior tantu publiku no privadu, iha obrigatoriu hodi bele uza lian ofisial ba prosesu aprendizajen, tanba ba oin Ministeriu Ensinu Superior  Siensia no Kultura (MESSK), sei uza politika rigorozu kontrola universidade iha rai laran.

Tuir Ministru Ensinu Superior Siensia no Kultura (MESSK), Longuinhos dos  Santos, hatete,  lian tetum no portugues nee, hanesan lian travallu maibe hakarak ka lakohi tenke iha sala de aprendizajen, uza lian ofisial obrigatoriu ba universidade hotu-hotu, tantu publiku no privadu.

Universidade publiku, agora dadaun sei uza hela lian ofisial, neebe mak bele uza esplikasaun ho tetum, haklean liu ba universidade privadu sira, uza lian ofisial tetum no portugues, tanba ba oin, ita iha politika neebe rigorozu, kuandu universidade balun neebe mak la uza lian ofisial, sei afeita ba avaliasaun ANAAA,”dehan MESSK Longuinhos ba STL iha kampus UNPAZ Dili Sabadu (09/03/2019).

MESSK, Longuinhos, sublina,  politika governu nian atu promove universidade privadu no publika  tanba rekursu humanus tanba nee, atu promove nafatin dosentes iha instituisaun privadu sira.

Iha parte seluk, Reitor IOB, Augosto Soares, hatete, IOB sempre halo formasaun ba dosente sira, atu nunee dosente sira bele uza lian ofisial ba iha prosesu aprendizajen, tanba TL uza lian ofisial rua maka tetum  no portugues. Notisia kompletu lee iha jornal STL edisaun Kuarta  (130/03/2019). Jacinta Sequeira

Komentariu

Facebook Comments

Leave a Reply

Your email address will not be published. Required fields are marked *