OB Merkadu Bekora Lafolin, Makfaan Triste

OB Merkadu Bekora Lafolin, Makfaan Triste

- in Metro
613
0
Merkadu-Taibesi-615x295

DILI-Negosiante Merkadu Becora sente lakontente ho roupa Obralan (OB) neebe sira faan iha Merkadu Becora tanba lafolin.

Tuir negosiante Maria dos Santos katak, nia sente lamenta tebes ho kondisaun  neebe dadaun sira haosru iha Merkadu Becora tanba faan sasan lafolin liuliu OB. Nee duni, halo sira sente laran susar atu hetan osan hodi sustenta nesesidade uma-laran.

Hau sente triste tebes tanba roupa OB neebe nia faan dadaun lafolin tanba menus komprador, nee duni susar tebes atu hetan osan hodi sustenta nesesidade uma-laran,” katak Maria ba STL, iha Merkadu Bekora, Segunda (16/10/2017).

Nia hatutan, tanba menus husi komprador sira atu mai hola roupa OB parte ida kuaze merkadu iha Kapital Dili faan hotu OB inklui faan iha uma ida nee mak halo komprador sira menus.

Iha fatin hanesan, Domingas da Silva mos sente triste, ho roupa obralan neebe nia faan iha Mercado tanba menus husi komprador sira atu hola.

Too agora, ami mai faan roupa obralan iha Mercado nee, maibe menus husi komprador sira atu hola ami nia roupa obralan, tanba komprador barak mak ba hola roupa obralan iha mercado seluk.

Ami sente triste, oituan tanba, roupa obralan neebe faan nee hodi ami nia osan rasik, total osan, U$ 50 Dolar Amerikanu mak hodi loke roupa obralan. Nee duni, too agora osan inan seidauk fila, kada loron ida ami foin hetan osan U$ 10.00) tanba menus husi komprador sira atu hola,”kaktak nia.

Maske nunee katak, Domingas, nia nafatin faan tanba buka moris nee duni hakarak ka lakohi faan nafatin, atu nunee bele hetan netik osan oituan hodi auenta sustenta nesesidade uma-laran.

Nunee mos, tuir observasaun STL nota katak, maske fatin klot ba sira atu buka moris, iha negosiante barak mak faan iha neeba, maibe menus husi komprador sira atu hola sira nia sasan hirak neebe sira iha. Tanba ekonomi obriga ita tenke faan duni, hodi sustenta uma laran. ESTAJIU-1

Komentariu

Facebook Comments

Leave a Reply

Your email address will not be published. Required fields are marked *