Oan Satia Aman, Fen Simu Purada

Oan Satia Aman, Fen Simu Purada

- in Krime
457
0
Violensiabaku

DILI- Tribunal Distrital Dili, iha loron 15/12/2017 julga arguidu ho inisial DS, tanba halo agresaun hasoru nia fen lezada ho inisial GA.

Tuir akuzasaun neebe tribunal lee sai husi Ministeriu Publiku katak, arguidu ho lezada moris hamutuk nudar fen no laen iha tinan 2014, no iha oan ida.

Iha loron 21 Junho 2017 tuku 7:00 kalan, iha Lahane Osidental arguidu hare hela filme iha televizaun, arguidu nia oan satia demais nia, tanba nee arguidu haruka lezada atu lori tiha nia oan ba halimar iha nia maun sira nia uma.

Depois arguidu tuir fali ba hodi kous nia oan, sira fila no lao iha dalan arguidu ho lezada diskuti malu , arguidu tolok lezada, maibe lezada responde labele tolok. Lezada nervoju ho lia fuan mal nee, hodi foti fatuk tuku dala 2 iha arguidu nia kotuk, no too iha uma arguidu nervoju hodi basa, tuku no tebe iha lezada nia kanotak sorin loos nian.

Iha momentu sira baku malu, lezada nia ina maka hare hodi ba hafahe tiha sira. Iha loron 12 fulan Setembru arguidu mos tuku dala rua iha lezada, kona iha kabun hodi foti lezada riba ba iha kama leten.

Antes nee iha loron 18 fulan Outubru tinan 2014, arguidu foti tasu tein modo nian tuda ba iha lezada nia leten, maibe la konsege kona, maibe kontinua tuku kedan iha lezada nia kabun. Iha loron 12 fulan Junho 2016, arguidu tuku iha lezada nia matan fukun parte loos, no tebe iha kanotak.

Ministeriu Publiku akuza arguidu hanesan autor ba krime maus-tratus ba konjuge ho violensia domestika neebe previstu no punidu tuir artigu 154 kodigu penal, no lei kontra violensia domstika iha no 07/2010.

Hatan konaba akuzasaun nee, arguidu deklara imparsialmente, ba iha tribunal.  Alende nee, lezada mos haforsa tan deklarasaun neebe iha. Rona tiha husi parte sira nee, tribunal submete kedan ba iha alegasaun. Terezinha De Deus

Facebook Comments

Leave a Reply

Your email address will not be published. Required fields are marked *