Nove Setembru, Massakre Tumin Bobometo, 15 Seidauk Simu Pensaun

Nove Setembru, Massakre Tumin Bobometo, 15 Seidauk Simu Pensaun

- in Distritu
836
0
Povu Oecuse

AMBENO –Vitima masakre Tumin Bobometo, Oecusse husu ba estadu Timor Leste atu konsidera loron 9 de Setembru 1999 nuudar loron nasional. Tanba, iha masakre refere ema nain 72 hetan torturasaun maibe nain 10 konsege halai sai no sira seluk mate tenke mate husi hahalok milisia Pro Otonomia nian.

Tuir vitima Crizanto Bobo katak komemorasaun loron masakre Bobo-Ufe Tumin hanesan loron historia ida ba heroi sira neebe mate iha 9 de Setembro 1999 hamutuk 72, maibe nain 10 konsege halai ho kanek todan sira nee mai husi suku Bobometo.

Tamba nee loron 9 de Setembro nee sai hanesan loron masakre ba Bobometo, husi nain 72 nee bainhira Timor Leste ukun an rekolla ona restu mortais hirak nee tau iha aldeia Tumin, suku Bobometo, subrejiaun Oesilo, Oecusse.

Hau nudar vitima I mesmu tempu lori feto faluk oan kiak husi familia tomak iha fatin nee, hau hakarak refere liu ba parte governu liu-liu RAEOA tenki konsidera loron ida nee, sai hanesan loron feriadu ba funsionariu tomak iha Oecusse I bele mos hatama iha kalendariu atu kada tinan ita halao nia aniversariu no mos prefere liu ba orsamentu sei bele governupresija hatama ba kalendariu ho nia orsamentu para kada tinan selebra nia aniversariu nee,”dehan vitima Crizanto.

Nia hatutan, atu nunee husi parte vitima no familia martires labele tane liman no husu kontribuisaun ba instituisaun no mos komunidade sira.

Ami hakarak nee governu tau atensaun para tinan-tinan nia orsamentu nee iha atu ami hatene deit atu komemora maibe fasilita nee husi governu,” Nia dehan

Iha fatin hanesan tuir Fransisco Caet nuudar foinsae Bobometo katak ema hirak neebe mak mate iha dia 9 de Setembro konsidera hanesan herois da patria. Tanba, iha momentu neeba sira mak entrega sira nia an atu bele liberta povu no rai doben Timor Leste atu bele hetan ukun rasik aan.

Nuudar foinsae la haluha ninia istoria rasik rasik, tanba nee haktuir fila fali akontesimentu iha momentu neeba katak ema nain 72 hetan torturasaun maibe nain 10 konsege halai sai, sira mate tamba iha tinan 1999 milisia pro otonomi maka oho no tiru mate sira.

Hatan ba kestaun nee tuir membru autoridade RAEOA liu husi Secretariu Asuntu Administrasaun Fransisco Marques hateten apresia tebes atividades ba iha loron dia 9 de Setembro tanba husi dedikasaun husi ema hirak neebe mak mate mak Timor Leste hetan ninia independensia.

Hau hanoin apresia tebes konsidera aktividades ida nee maibe atu formal nee ita tenki kolabora ho governu sentral liu husi Parlementu Nasional atu bele legaliza dias nasionais,”dehan Fransisco.

Nia hatutan, tuir lolos governu rejionais define ona maibe tamba ita sedauk iha asembleia membrus parlamentares lokais, entaun ida nee ita hein prosesu nee aban bainrua kuandu permanente ona.

Entaun halo formalmente define liu husi diploma ida ou regulamentu ida ba RAEOA nian.Maibe, formalmente konsidera no kolabora nafatin ho sira atu valoriza nafatin programa masakre nee.

Kona ba orsamentu nia dehan, iha tinan uluk governu RAEOA aloka orsamentu rihun 3 resin mai loron masakre Bobometo nee, maibe iha failansu teknika iha nee lakonsege, maibe ba oin nee aloka ona orsamentu ba loron nee.

15 Seidauk Simu Pensaun

Vitima ba massacre 9 de Setembro 1999 neebe mak hetan kanek todan hamutuk nain 15 neebe mak seidauk hetan pensaun husi estadu Timor Leste.

Tuir Crizanto Babo, koalia kona ba la merese ou merese ka prosesu ou prosesu dala ida deit ba rekolla restus mortais husi fatin neebe maka akontese uniku dala ida deit.

No, laiha diferensia atu trata balun nopending sira neebe maka seidauk simu pensaun nee klaru, balun trata mas konsege simu duni I too klaran fali ema neebe trata dokumentus ba pensaun nee mate, depois husi g estadu fo prioridade ba fulan 3 deit I balu fulan 6, depois kontinuasaun laiha ona.

 Ida nee maka persija justifika lolos tamba saida maka hapara pensaun nee, iha parte balu mos sedauk hetan pensaun hahu kedan husi inisiu, lahatene problema saida dokumentus mak la kompletu ka ou iha failansu balun nee persija ita hatene hotu, liu-liu komisaun homenajen trata kona ba asuntu nee no persija klarifika lolos atu husi parte familia vitima bele satisfas ho ida nee,” dehan Crizanto.

Dala barak ema simu tinan 2 too 3, husi ekipa hapara ka pending entaun husi familia senti triste tamba tratamentu la ekilibriu presija sosializasaun liu-liu parte kompetente para vitima ou familia martires satisfas.

No tuir nia observasaun hanesan testamunha husi vitima nain 15 nee bobo hateten sira sedauk simu pensaun husi governu sira rejistu naran iha tinan 2009 maibe ate agora sedauk simu nafatin, ho kestaun nee Bobo husu governu bele tau matan ba sira hodi labele kria duvidas iha komunidade nia let

Hau koalia hanesan saksi moris neebe hau partisipa komesa inisiu too fim, I nia kronolojia akontese saida maka hau hetan no hare  katak I too agora dadauk husi familia vitima nain 15 nee sedauk hetan pensaun husi governu, no koalia kona ba saksi hidup so nain 3 deit maka hetan pensaun kada fulan sira asesu, maibe liu husi nee inklui hau mos sedauk hetan tamba bazeia rejistu  iha 2009, husi governu fo klarifikasaun ba ami dehan seidauk aprova mas kestaun ida nee hau hanoin kala governupresija hare no tau matan hodi labele mosu duvidas iha komunidade nia let”. Hateten bobo

Bobo haktuir tan katak, tuir lolos masakre ida nee importante tebes tamba saida mesmu rejistu ikus maibe nia tenki hetan tamba saida masakre nee akontese dala ida deit, bele diferente kronolojia historia maibe nia lalaok nee kuaze atu hanesan so ema neebe maka kaer kona siksaan nee lahanesan ho kolega siksa hamutuk iha diferente.

Tuir intelektual Bobometo, Fransisco J. Caet, ba familia heroi sira ba hau lakoi temi vitima tamba vitima nee so ema naok ten mak baku mate sira mak ita dehan vitima, maibe sira nee ita konsidera hanesan herois da patria tamba iha momentu neeba sira maka fo entrega sira nia an atu liberta ita nia rain hodi ukun rasik an, nee duni ate agora familia herois balu sedauk hetan kompensasaun ka kontribuisaun husi guverno ba familia sira nee.

Familia sira nee hamutuk 82, so balu hetan ona I balu sedauk hetan neebe ami husu ba guverno foun mai, tau matan ba sira neebe familia heroi sira neebe sedauk hetan kontribuisaun husi guverno entaun tenki ser tau matan ba sira, familia hirak nee maka sedauk hetan pensaun nee kuaze 15 familias mak sedauk hetan, neebe hau nia sujestaun ba guverno foun mai labele haluhan familia sira nee, hodi labele mosu duvidas oi-oin”. Nia dehan

Hatan ba kestaun nee responsabel veteranus RAEOA Xavier da costa, kona ba kestaun nee “hau maka responsabel administrasaun durante tinan barak ona iha RAEOA neebe hau hatene buat sira nee sei iha prosesu nia laran, sira neebe   maka seidauk simu nee tamba balu foin rejistu iha tinan 2009, neebe ita hotu hein barak mak simu ona, sira neebe paradu tamba falla iha administrasasun,”.

Tamba foin dadauk iha fulan kotuk hau  sei hadia hela balu, neebe iha nee foin ema nain 6 mak seidauk falta administrasaun maka seidauk kompletu tamba uluk iha Oecusse ema hotu hatene katak ema hotu koalia barak ita sala duni iha administrasaun itoan kona ba veteranus nain rua.

Iha oecusse ema hotu rona katak veteranus iha Oecusse falla, falla nee laos ami neebe mak foin estadu foti husi fatin nee hodi tama responsabilidade maibe dala barak ami koalia nai ulun sira la rona fali ami,no rona husi fali kotuk tamba ida nee maka buat hotu falla, neebe falla nee laos husi rejional maibe husi nai ulun sira iha sentral,”dehan Xavier.

Tamba buat hot-hotu husi Oecusse la konsidera ami neebe estadu tau tiha ona iha distritu nee, simu tiha ona lakohi kontaktu ami dehan ami simu mak trata dokumentus hatama liu husi prosesu simu, maibe too ikus ami hare dokumentus hotu inkompletu.

Tamba sira ba tiha neba no buka rajaun husi neebe maka sira bele hetan prosesu, hau hetan duni prosesu ida iha Oecusse katak subrinho mosu bele simu tamba administrasaun nee la mai tuir ami neebe maka kuinadu tiha ona iha ami nia fatin maka refere, ida nee mak hau so husu deit ba estadu iha nasional sekarik respeitu ami neebe estadu haboot tia ami osan itoan neebe halakon tia ona ba servisu nasaun nee nian, ita hotu kontribui, tamba hau informa ba governu karik ba oin hadia buat nee klaru ami veteranus hakarak iha estabilidade. Abilio Elo Nini

Facebook Comments

Leave a Reply

Your email address will not be published. Required fields are marked *