Nobel da Paz Existe Estudante Oan Nain

Nobel da Paz Existe Estudante Oan Nain

- in Edukasaun
993
0
Deskonhesidu

DILI-Eskola Sekundaria Nobel da Paz, Dili identifika katak oras nee dadaun estudante  feto oan nain hamutuk  11 maka kuntinua sira nia estudu iha eskola nee, tanba sira mos iha direitu atu asesu ba edukasaun.

Tuir Diretor Eskola Sekundariu Nobel Da Paz, Pedro Menezes, rekoinese katak, iha duni estudante feto hamutuk nain 11 iha oan tiha ona, maibe sira hakarak kontinua sira nian estudu.

Hau rekoinese katak, iha eskola privadu ida nee, iha duni feto neebe oan nain mak tama iha eskola, tanba foin lalais hau detekta, iha estudantes feto nain 11 mak iha oan, tanba iha momentu ida neebe sira mai halo inskrisaun, sira hatais kaber tiha, no sira la lori oan, se karik sira lori oan, hau mos bele hatene, no hau la simu sira,”dehan Pedro ba jornalista  iha nian knar  fatin  Kintal Boot,  Dili,  Kuarta  (06/09/2017).

Nia hatete, estudante feto hamutuk 11 mak oan nain tiha ona, nee ba estudante  desimu segundu ano, neebe mak atu tuir ezame nasional  iha fulan Outubru, tinan ida nee, tanba foin dadaun, diretor rasik informa kestaun ida nee ba iha Ministeriu Edukasaun (ME), maibe  estudante sira nee iha diretu, para  atu bele kontinua sira nian estudu.

Ita haree ba estadu no governu nian planu nee, hau sente diak, tanba nee, hau la nega, hau nian estudantes oan nain iha eskola ida nee, iha duni tanba sira mos iha direitu, para atu bele asesu edukasaun,”dehan nia.

Nia hatete, kona-ba estudante gravida nee laiha, maibe estuante  11 nee, sira neebe mak  oan nain tiha ona, estudante ida iha oan nain rua, no  10 nee foin oan nain ida, maibe hafoin, husi eskola detekta estudante sira nee, direitor eskola informa kedas ba iha parte Ministeriu  Edukasaun  (ME).

Nunee mos estudante terseiru ano, Linda Maria da Costa, hatete maske nia iha oan ida tiha ona, maibe nia rasik, hakarak atu asesu nafatin edukasaun, hodi kontinua ninia estudu, iha Eskola Sekundariu Nobel Da Paz.

“Hau prontu atu kontinua hau nian estudu, tanba hau mos iha oportunidade atu halao hau nian estudu  ba iha hau nian futuru, hau iha oan nain ida, hau nian idade 20 anos,”dehan nia. Jacinta Sequeira

 

Facebook Comments

Leave a Reply

Your email address will not be published. Required fields are marked *