NGO Parcic Ho Embaixada Japaun Asinatura Project Hadia Nutrisaun

NGO Parcic Ho Embaixada Japaun Asinatura Project Hadia Nutrisaun

- in Metro
58
0
easttimor

DILI– NGO Parc Interpeoples Cooperation, hamutuk ho Embaixada Japaun Iha Timor Leste realiza serimonia asinatura, hadia nutrisaun liu husi promosaun furikake no hadia kostume alimentar iha Timor Leste ba premeira faze.

Iha seromonia nee, Junko Ito Coutry Director Of Parcic Iha Timor Leste, hateten sira nia NGO husi japaun no iha Timor Leste hahu iha 1999, no iha tempu emerjensia sira halo rehablitasaun ba escola iha municipiu Liquiça.

Ami NGO husi japaun neebe maka servisu iha Timor Leste desde 1999 fofoun iha tempu emerjensia, ami halo servisu rehablita escola iha munisipiu Liquiça depois iha tinan 2002 ami nia servisu barak liu maka ba iha dezenvolvimentu area rural, liu husi kualidade produtu hanesan kafe, xha, mina virgin no buat sira seluk neebe maka kafee nain no produtu nain sira produs, ho sira nia rekursu rasik no ami nia servisu atu lori sira nia produtu ba iha merkaduria, ami servisu barak liu iha area agrikultura ou komercio, ami ladun koinese ho area edukasaun nomos saude,” katak Junko Ito, liu husi diskursu Kinta (20/12/2018) iha Residensia Embaixador Japaun, Pantai Kelapa.

Diretor country nee hatutan, liu husi sira nian esperensia servisu durante nee haree katak iha Timor Leste iha poensia barak konaba aihan local bele produs buat oin-oin maibe problema nutrisaun sei nafatin sai kestaun ba nasaun timor leste no sira rasik mos haree ho matan wainhira ba iha distrito sira labarik neebe maka idade boot ona maibe sira nian dezenvolvimentu fiziku lahanesan ho saida maka sira espera.

Iha fatin hanesan Diretor Jeral Ba Politika Planeamnetu No Koperasaun Husi Ministeriu Edukasaun Juventude No Desportu, Antoninho Pires liu husi nia diskursu apresia na NGO parcic neebe maka bele fo apoio balun ba iha area edukasaun nian.

Nunee mos ambaxador Japaun iha Timor Leste, Hiroshi Minami mos apresia bele realize serimonia neebe maka iha inisiativa foun, hodi apoiu nasaun liu husi parseria ho parcic. Informasaun kompletu iha STL Jornal, edisaun Sesta (21/12/2018). Emerenciana Pinto

Facebook Comments

Leave a Reply

Your email address will not be published. Required fields are marked *